Topp 5 gæsahúð - Halldór

Ég tengi yfirleitt gæsahúð helst við lifandi flutning á lögum. Vissulega eru mörg lög sem hafa ótrúlegustu áhrif á mig þótt ég hlusti á þau í græjum eða heyrnatólum en mesta tengingin kemur alltaf live.

Ég er nokkuð heppinn með það að hafa farið á tónleika sem hafa skilið mikið eftir sig, ýmist í heild sinni eða lög og lög. Ég verð þó að segja að topp 26 listinn minn eru öll lögin sem Tom Waits flutti á tónleikum sem ég fór á í Dublin í ágúst síðastliðnum. Þess vegna hef ég ákveðið að þessi gæsahúðarlisti verði eingöngu með lögum af þessum tónleikum, enda nógu erfitt fyrir mig að velja einungis 5 af þeim lögum.

Lucinda/Ain't Going Down to the Well

Eftir alla biðina og spenninginn var það algjörlega epískt að sjá Tom Waits labba inn á sviðið og byrja tónleikana á þessu lagi. Ég held ég hafi aldrei verið jafn nálægt því að taka gelgjuöskurkast og þarna.


Tom Traubert's Blues

Tom Traubert's Blues er lag sem mig hafði lengi lengi langað að heyra live en ég hélt að það ætti ekki eftir að gerast. Það var því mikil gæsahúð sem hríslaðist um mig þegar hann byrjaði á línunni Wasted and wounded, it ain't what the moon did. Óhætt að segja að flutningurinn hafi rokið fram úr öllum væntingum.


Innocent When You Dream

It's such a sad old feeling,
the hills are soft and green.
It's memories that I'm stealing
But you're innocent when you dream, when you dream
You're innocent when you dream, when you dream
You're innocent when you dream.

Alltaf verið eitt af mínum uppáhalds lögum og flutningurinn úr tónleikamyndinni Big Time með þeim flottari sem ég hef séð, bæði lag og atriði. Svo fékk hann alla til að syngja með, tær snilld.


Dirt in the Ground

Gæsahúð gæsahúð gæsahúð! Og tár með, sjaldan hefur eitt lag haft jafnmikil áhrif á mig og þetta. Þetta lag fyllti mig mellankólísku æðruleysi, svo fallegt en samt svo sorglegt þegar Tom Waits syngur sannleikann af þvílíkri innlifun.

What does it matter, a dream of love or a dream of lies
We're all gonna be in the same place when we die
Your spirit don't leave knowing your face or your name
And the wind through your bones is all that remains

And we're all gonna be
Yeah yeah
I said we're all gonna be
Yeah yeah
I said we're all gonna be
Yeah yeah
I said we're all gonna be just dirt in the ground


Make it Rain

Make it Rain er kannski fyrirfram ekki lag sem ég ætti von á að færi á þennan lista en þetta er allt spurning um aðstæðurnar. Þetta lag er á Real Gone og þar er þetta einfaldur en þéttur blús. Gott lag en kannski ekkert gríðarlega eftirminnilegt af öllum hans lögum.
Tónleikarnir voru haldnir í risastóru sirkustjaldi í miðjum Phoenix Park í Dublin. Í miðju lagi breytist þetta blúslag í hálfgerðan regndans þar sem Tom Waits fer gjörsamlega á kostum. Ekki minnkaði það svo áhrifin að heyra rigninguna dynja á tjaldþakinu.

Þetta lag kom seint á tónleikunum og eftir tónleikana þurftum við að ganga í klukkutíma, enga leigubíla að fá, í ausandi rigningunni. Það var ekki hægt annað en að hugsa um þetta lag í þeirri gönguferð. Hatturinn minni þurfti mikla aðhlynningu eftir þá ferð og skórnir lifðu hana ekki af en það eru pínulitlir hlutir að fórna þegar upplifunin er svona ótrúleg.

Topp 5 pabbar - Georg Atli

Púff bara tveir listar og báðir seinir... en hér kemur amk minn



5. Morrissey - The Father Who Must Be Killed

Gott lag af bestu sólóplötu morrisey, að mínu mati.

4. The Trashmen - Whoa Daddy

60's strandar rokk er mjög töff. Það er líka boðskapur þarna...

3. Tom Waits - Sins of The Father

Af plötunni Real Gone, lagið er langt og þungt en rosa gott.

2. Jonee Jonee - Af Því Pabbi Vildi Það

Gott íslenskt pönk úr Garðabænum.

1. Joe Pug - I Do My Fathers Drugs

When every revolution
Is sponsored by the state
There is no bravery in being asked
And turning down the case
If you see me with a rifle
Don't ask me what it's for
I fight my father's war

I went hunger strikes are fashion
And freedom is routine
All in all the streets in Cleveland are named for Martin Luther King
You will see me at the protest
But you'll notice that i drag
I burn my father's flag

So when the party starts on Monday
And Christmas starts in June
When no one minds I've just arrived and I'll be leaving soon
If I return with eyes half-opened
Don't ask me where I was
I do my father's drugs
I do my father's drugs

Joe Pug er beittur. Lagið kom út á E.P. plötunni 'Nation of Heat' í fyrra sem allt of fáir táku eftir, þar á meðal ég.

Topp 5 íslenskt - Halldór

Jæja, hér kemur fyrsti topp 5 listinn minn á þessa síðu. Setti hann saman með stuttum fyrirvara en er samt frekar sáttur við hann. Youtube er vinur minn og nota ég þann vettvang til að setja inn lögin. Hvet þó alla til að nálgast aðrar útgáfur af lögunum.

Hraun – Thunderball

Ég hef verið mikill aðdáandi hljómsveitarinnar Hrauns frá því ég ráfaði óvart inn á jólatónleika með þeim í gamla Rósenberg. Þeir hrifu mig strax með mjög góðum lögum og frábærri sviðsframkomu. Stuttu seinna sá ég þá aftur þegar þeir spiluðu í afmæli vinar míns og það var ekki síðri upplifun. Þar tóku þeir meðal annars fáránlega flotta rokkútgáfu af Britney Spears poppslagaranum Toxic, algjör killer. Þetta lag, Thunderball, finnst mér frábært í alla staði hvort sem það er beint af plötunni eða live eins og í þessu tilfelli en þessi útgáfa er tekin úr þætti Loga Bergmann.

Mugison – Mugiboogie

Mugison hefur sinn eigin stíl og sitt eigið sound. Ég fíla flest allt sem hann hefur gert mjög vel og þetta lag, Mugiboogie, er hrikalega þétt. Ekki verra að myndbandið sem ég nota ku vera af Akranesi, þykist vita að það falli í góðan jarðveg hjá einhverjum.

Páll Óskar – Þú komst við hjartað í mér

Get eiginlega ekki sleppt honum Palla þegar ég set saman lista með íslenskum lögum. Maðurinn er frábær tónlistarmaður og í miklu uppáhaldi hjá 3ja ára syni mínum. Hann á meira að segja áritað plaggat af honum sem hangir í herberginu hans og honum finnst fátt skemmtilegra en horfa á dvd diskinn hans og taka nokkur dansspor með Palla. Þetta var valið lag ársins 2008 og finnst mér það vel að þeim titli komið.

Emilíana Torrini – The Boy Who Giggled So Sweet

Röddin í Emilíönu Torrini er á við heila hljómsveit, sýnir sig best í minimalískum lögum þar sem undirspil er ekki ofhlaðið. Einnig eru fáir íslenskir söngvarar sem setja eins mikla tilfinningu í sönginn og hún. The Boy Who Giggled So Sweet af plötunni Merman er gott dæmi um það.

Tom Waits lag listans

Verandi gríðarlega mikill Tom Waits aðdáandi er planið að koma a.m.k. einu Tom Waits lagi inn í hvern einasta lista. Líklega verða þau stundum fleiri og það kæmi mér ekkert á óvart þótt hann fyllti einhvern eða einhverja lista. Yfirleitt verður áskorunin hjá mér líklega sú að takmarka fjölda laga eftir hann en það er ekki tilfellið í þetta skiptið. Samt var það merkilega lítið mál að troða meistaranum inn í topp 5 lista með titilinn íslensk lög. Ég hefði getað farið þá leið að velja cover íslenskra tónlistarmanna á lögum eftir hann og voru þá fyrst á blað Little Trip to Heaven með Mugison og I Hope That I Don‘t Fall in Love With You með Emilíönu Torrini en ég ákvað að fara aðeins langsóttari leið og leyfa þessum listamönnum að komast á listann með sínum eigin lögum.

Árið 1973 kom fyrsta plata Tom Waits út. Það var hin frekar vanmetna Closing Time. Sagan segir að einn sunnudagseftirmiðdag þegar Tom var ennþá í upptökum á plötunni hafi hann viljað klára upptökur á lagi samnefndu plötunni. Hins vegar var bassaleikarinn sem spilaði með honum þá vant við látinn. Upptökustjórinn Jerry Yester sagðist vita af bassaleikara sem hentaði vel í þessu lagi og hringdi þá í bassaleikarann Árna Egilsson sem þá hafði verið að reyna fyrir sér í Bandaríkjunum í einhvern tíma. Árni var þá staddur í grillveislu en samþykkti að kíkja til þeirra þrátt fyrir að vera búinn að fá sér eins og tvo kalda. Þeir tóku lagið upp ásamt trompetleikara en lagið er ósungið. Eitt af þessum viðkvæmu fallegu lögum. Mæli með að allir finni upphaflegu útgáfuna af plötunni en því miður fann ég það ekki á youtube. Hins vegar fann ég útgáfu þar sem einhverjum datt í hug að nota lagið sem undispil fyrir upplestur Allan Ginsberg á ljóði sínu America og ég verð að segja að það var bara ansi góð hugmynd. Þið heyrið lagið þarna undir.

Tom Waits lag listans er: Closing Time (af Closing Time - 1973)

Fimmtudagshressleiki!

Fimmtudagsskemmtilegheit: 'In Their Own Words: The Montréal Sessions', Indyish Mixtapes vol. 2, c-hressleiki og cover dagsins!

In Their Own Words: The Montréal Sessions: Midnight Poutine er æði pæði skemmtilegt Montréalskt blogg sem ég gróf upp áður en ég flutti út í fyrra. Skrifa um tónlist og hellings fleira skemmtilegt. Í nýjustu færslum síðunnar er t.d. umfjöllun um tónleika, ábending um góðan burrito stað, heads up um að Spike Lee verði í gamla skólanum mínum (damn!), hokkípælingar um Habs, review um árlega moustache partyið á La Sala Rossa OG nýtt podcast! Ég var búin að steingleyma podcastinu þeirra en það er æði. Í nýjasta podcastinu er m.a. annar hluti af 10 í seríu sem heitir 'In Their Own Words: The Montréal Sessions' þar sem maður heyrir tónlistarmann/hljómsveit frá Montréal lýsa tónlist sinni sjálfir. Í þessum hluta er Plants&Animals. Gaman! :) Það eina sem mögulega er hægt að segja slæmt um Midnight Poutine er að alltaf þegar maður sér það fer mann að langa allsvaaaðalega í poutine...og maður fær hvergi svoleiðis búhú ;/

Í einu podcastanna sem ég hlustaði á í dag var minnst á The Tom Fun Orchestra. Lýsingin gekk út á að þau hljómuðu eins og Tom Waits að syngja með Arcade Fire. Lagið í podcastinu (Rum&Tequila) fannst mér reyndar hljóma meira eins og Tom Waits að syngja með Gogol Bordello eða Man Man (sem væri jafnvel enn betra en Waits og Arcade Fire!). En það gerði mig allavega forvitna þannig að ég ákvað að tékka aðeins betur á þeim og jú, You Will Land With a Thud hljómar svolítið eins og Tom Waits og Arcade Fire hafi ákveðið að búa til tónlist saman. Gaman! Allavega alveg þess virði að tékka á því :)

Indyish mixtapes, vol. 2: Annað sem ég var búin að gleyma. Nýtt 'mixtape' frá Indyish. Er á póstlista hjá þeim þannig að öðru hverju fæ ég bara tilkynningu um að einhver sé búinn að safna saman skemmtilegum lögum og henda inn for my listening pleasure. Styð það. Nokkur ágætis lög þarna inn á milli :)  Eureka Birds - Oh! My Dear er t.d. skemmtilegt og sungið af gaur með svo flotta rödd að það er hægt að hlusta á það á repeat ;) 

C-hressleiki: Ooog í tilefni af því að mánudagurinn var þemahlustunardagur (ég hlustaði bara á tónlistarmenn/hljómsveitir sem byrja á C) langar mig að benda ykkur á að fara í gegnum libraryið ykkar og gá hvort c-ið inniheldur ekki bara hressa tónlist? C-in mín gera það nefnilega (allavega vinnutölvulibraryið). Eina vafamálið var núverandi frakklandsforsetafrú, madame Carla Bruni, en hún er svo sem ekkert ofurdepressing heldur - bara ekkert ofurhress alltaf. Anywho, í tilefni af c-þemanu koma hér 3 random ofurhress lög með tónlistarmönnum/hljómsveitum sem byrja á stafnum c :)

Calvin Harris - Acceptable in the 80s

Caribou - Bees

Chromeo - Momma's Boy

Cover dagsins: 

Dr. Dog að covera Heart it Races með Architecture in Helsinki. 

First Aid Kit að covera Tiger Mountain Peasant Song með Fleet Foxes 

The Sarcastic Dharma Society að covera First Day of My Life með Bright Eyes. 

Styð þetta! ;)

Lokauppgjör 2008 - Krissa

1. Bestu tónleikar sem þú sást á árinu?

Jebus minn ég sá svo mikið af góðum tónleikum á árinu, litlum sem stórum, nýju dóti og gömlu. Smærri tónleikarnir stóðu samt eiginlega upp úr á þessu ári og ég held ég þurfi að segja að Man Man (hversu oft get ég sagt það eiginlega) hafi verið bestir á Le National í Montréal í apríl. Voru á fullkomnum tíma, á fullkomnum stað, mér veitti svooo ekki af smá break og að skreppa í ofurhressleikann var exactly what I needed.

A close second var líklega að sjá The Kills þegar Kristín heimsótti Montréal deildina í maí. Bjóst einhvern veginn ekki við miklu en svo voru þau bara geðveik og það var svo brjálæðislega mikill kynþokki á sviðinu að maður varð næstum vandræðalegur við að horfa á það haha

2. Gamalt dót sem ég uppgötvaði á árinu:

Nashville Skyline plata Dylan var bara plata ársins hjá mér - eða allavega soundtrack fyrri hluta ársins! Úff púff! Hún hafði bara einhvern veginn farið alveg framhjá mér.

Svo telst það nú kannski ekki gamalt, en kom allavega ekki út á árinu, að ég afrekaði loksins að hlusta á Panda Bear eftir að hafa keypt Person Pitch í byrjun ársins. Og ég skil engan veginn afhverju ég hlustaði ekki á hann fyrr? Hvaða rugl var það eiginlega? Ég meina, Bros er bara svo fáranlega æðislega awesomely gott lag!

Og já, svo tók ég allsvaðalegt æði aftur fyrir The Milk of Human Kindness með Caribou eftir að sjá hann í apríl - hann var bara simply of góður og ég var með plötuna á repeat næstu vikurnar þegar ég rölti um götur Montréal - endurtók algjörlega æðið sem ég fékk þegar hún kom út :)

3. Vonbrigði ársins
Engin ein plata eða hljómsveit sem ég varð fyrir neinum gríðarlegum vonbrigðum með á árinu. En tónlistartengd vonbrigði ársins eru samt svo mörg að þau eru í punktaformi:

• að missa af Dodos live í Montréal út af einhverju asnalegu eins og að þurfa að skila verkefni í skólanum eða e-ð.
• að neyðast til að sitja undir Rihanna á undan Kanye. Ég bjóst nú við að það yrði allavega hresst eða e-ð en það var bara...leiðinlegt! Held í alvöru að það skásta sem ég hafi um málið að segja sé að sviðið var alveg fínt haha. Hún var allavega engan veginn góð upphitun!
• að hafa gleymt (nei sko, bókstaflega, gleymt!) að mæta á El Perro del Mar og Lykke Li eftir að vera löngu búin að kaupa miða og vera búin að tala um tónleikana oft í vikunni. Fatta svo í hádeginu daginn EFTIR tónleika að ég átti að vera e-s staðar kvöldið áður.
• að hafa ekki skellt mér á M.I.A. þegar hún var að spila úti. Man ekki hvort það var forgangsröðun sem réði eða hvað en það var klárlega rugl að fara ekki!
• að hafa ekki séð Duchess Says þegar ég var nýkomin út til Kanada - heyrði plötuna viku seinna eða e-ð og varð ansi fúl!
• Xiu Xiu tónleikarnir sem ég fór á voru pínu vonbrigði. Upphitunin (Thao Nguyen and the Get Down Stay Downs) var betri en sjálft aðalnúmerið, allavega það kvöldið!
• Og síðast, en alls ekki síst, sé ég eftir að hafa gengið út úr miðasölunni 5 mín áður en Tom Waits hóf spilerí í Mobile í Alabama í sumar - út af einhverju svona asnalegu eins og að sætin væru svo fáranlega léleg og miðaverðið svo hátt. Ég meina, hversu oft fær maður tækifæri til að sjá Waits live? Þó það sé bara í partial view? ;/

4. Ætlaði alltaf að tékka á en trassaði:

Bon Iver! Veit ekki hversu oft ég hugsaði að ég yrði að fara að tékka á honum en gerði ekki. Bara búin að heyra svona lag og lag og öll hljóma þau fáranlega vel. Spurning um að verða sér úti um hana hið fyrsta :)

5. Bjartasta vonin

Úff to the púff! Uhh...á ég að vera fyrirsjáanleg og segja bara Fleet Foxes? Kemur allavega fáranlega sterklega til greina! Verður spennandi að heyra plötu nr. 2 :)

6. Hvaða tónleikar komu þér mest á óvart á árinu?

Ég fór að sjá Patrick Watson ásamt alveg heilum helling af e-m öðrum tónlistarmönnum frá Montréal í janúar. Kvöldið var til að vekja athygli á Baie Déception sem er um inúítana í Nunavik og vesenið þar. Meira vissi ég eiginlega ekki áður en ég fór. Þegar ég mætti í Corona tók svo allt annað við mér en ég bjóst við. Flott gamalt leikhús, hálfkjánaleg mynd um inúítana til að byrja með, endalaust mikið af góðri tónlist, Patrick Watson auðvitað frábær en Brad Barr ekki síðri og ég hafði aldrei heyrt neitt með honum áður. Upplestur á frönsku og ég geðveikt sátt við að skilja part og part, þrátt fyrir að vera nýkomin út...úff þetta kvöld var bara yfirmáta frábært á allan hátt! Betri lýsing fæst á Midnight Poutine :)

Svo kom Sam Amidon mér skemmtilega á óvart á Airwaves :)

Topp 5 live lög - Kristjana

Eeerfitt!!! Gat engan veginn valið topp 5 live lög þannig að ég setti mér frekari skorður: topp 5 live lög sem ég hef sjálf séð flutt...et voila:

5. The Who - My Generation (Glasto, júní '07)

Nei nei, ég er ekkert svooo gömul. En ég náði að sjá The Who á Glasto í fyrra og get því tótó klínt þessu hérna með ;)

The Who - My Generation [youtube]

4. Man Man - Black Mission Goggles (The Bowery, NY, NY - jan. '07)

Öll Man Man lögin eru most awesome live...öll! :) Skeggjaðir sveittir karlmenn í tennisstuttbuxum, skraut, ljósaseríur, öskur, hopp, læti, hnífapör og skálar notuð sem hljóðfæri og bara almennt brjálæði! Það er allt gott við þetta ;)

Man Man - Black Mission Goggles [youtube]

3. Radiohead - There There (Hammersmith Apollo, London, maí '06)

Óviðjafnanlega flott live...með öllum trommunum! Úff!

Radiohead - There There live@Victoria Park [youtube]

Radiohaead - There There [youtube]

Radiohead 'live' on Arte [youtube]

2. The Arcade Fire - Wake Up / Neighborhood #3 (Power Out) (Glastonbury, júní 2007)

Wake Up er lagið sem verður til þess að maður stappar svo mikið fótum að maður hálfbrýtur allar tær! Bættu við þónokkrum þúsundum af eplaciderfullum bretum og fáranlega vel tónlistarlega þenkjandi ferðafélögum og þú ert komin með fullkomna live upplifun!

Og ég hefði gefið ofboðslega margt og mikið til að sjá Power Out á Rock en Seine 2005!

The Arcade Fire - Wake Up, live@Glastonbury 2007 [youtube]

The Arcade Fire - Neighborhood #3 (Power Out), live@Rock en Seine 2005 [youtube]

1. Jeff Buckley - Be Your Husband (Central Park, NY, NY - des. 2006)

Hef einu sinni séð þetta flutt live og það var fullkomið in every way. Hinsvegar eru engar upptökur til af því. Buckley og Nina Simone gerðu þetta samt líka vel þannig að þau fá bara heiðurinn ;)

Jeff Buckley - Be Your Husband [youtube]

Nina Simone - Be My Husband, live at Harlem Festival 1969 [youtube]

Svo verður að vera eitt honourable mention. Tom Waits hef ég aldrei séð live en ég komst nálægt því í Mobile, Alabama í sumar. Stóð fyrir utan Saenger Theatre þegar hann var að byrja en tímdi ekki morðfjár fyrir skítasæti uppi í rjáfri og fór því ekki inn. Mér finnst samt 'næstum séð' nógu gott til að hann fái honourable mention og A Christmas Card From A Hooker In Minneapolis er bara ógó pógó flott live og það er gaman að heyra í áhorfendunum hlæja.

topp 5 instrómentallög - zvenni

orð um orð orð um orð orð um orð
um orð um orð um orð um orð um
orð um orð um orð um orð um u
morð u morð u morð u morð u morð

orð er þriggja stafa morð

Ísak Harðarson


Cecile Ann - Pixies



Den ensamme sjömannens födelsedag - bob hund



Peaches En Regalia - Frank Zappa



Bourée - Jethro Tull



Russian Dance - Tom Waits

Live long and prosper...

Ónefndur maður sem byrjar á Z á afmæli í dag svo við skulum óska honum til hamingju og hlusta aðeins á Tom Waits og Nick Cave.

Tom Waits - Jersey Girl
Nick Cave - Sleeping Annaleah

Waits vs. Ramones

Skemmtilegt skiptiprógramm hjá Tom Waits og Ramones en báðir aðilar hafa tekið lag hins upp á sína arma. Waits með Return of Jackie & Judy á We're a Happy Family - A Tribute To Ramones og Ramones með I´dont wanna grow up á Adios Amigos!.

Einhver veginn ólíkir en samt soldið líkir listamenn á ferð. Waits ekki beint pönkari en óhefðbundinn og á köflum óheflaður og Ramones ekki beint að fara ótroðnar slóðir og prufa nýja hluti en samt sem áður beittir.

I´dont wanna grow up - Tom Waits
I´dont wanna grow up - Ramones

Return of Jackie & Judy - Ramones
Return of Jackie & Judy - Tom Waits