Leonard Cohen

Ég er alltaf að verða meira og meira heilluð af tónlist Leonard Cohen en það hefur satt að segja þurft dálitla þolinmæði til því ég gríp þetta ekkert allt við fyrstu hlustun. Ég er núna búin að kaupa fjórar plötur með honum þó það séu reyndar ekki þær fjórar fyrstu sem fólk myndi kannski venjulega kaupa (á t.d. hvorki Songs Of Love And Hate né I'm Your Man). Platan sem ég er að melta þessa dagana er Death Of A Ladies Man sem hafa alltaf verið skiptar skoðanir um.

Það sem einkennir plötuna fyrst og fremst er að hún er pródúseruð af Phil Spector sem gefur henni óneitanlega sérstakan hljóm. Ég skil alveg að á eftir hinni frábæru og lágstemmdu New Skin For The Old Ceremony hafi hljóðveggurinn hans Spectors með tilheyrandi lúðrum, strengjum og bakröddum hljómað frekar furðulega með tónlist Cohen. Sagan segir að Cohen hafi aldrei verið ánægður með þessa plötu en mér finnst hún venjast ágætlega. Lögin eru mörg hver mjög góð og textarnir auðvitað líka (þetta er jú Cohen) þó þeir séu oft nokkuð grófir. Pródúseringin er kannski það sem stendur mest í mér en með hverri hlustun stingur hún minna í eyrun og lögin standa meira upp úr.

Leonard Cohen - Memories
Leoanrd Cohen - Don't Go Home With Your Hard-On (Bob Dylan og Allen Ginsberg syngja bakraddir!)

Parliament

Það er gott að vera í sumarfríi í góðu veðri en núna er því lokið og þá er ekkert annað að gera en að hlusta á tónlist til að gleyma því að góða veðrið er ennþá úti þó ég sé föst inni í stressi og skít. Jájá.

Ég keypti einhverntíma fyrr í sumar væna safnskífu með fönksveitinni Parliament sem var í raun löngu tímabært því ég hafði aldrei pælt í þeim af neinni alvöru. George Clinton sjálfur var sem kunnugt er einn af forsprökkum sveitarinnar en það er frekar erfitt að henda reiður á fyrrverandi hljómsveitarmeðlimum því ég held að allir og amma þeirra hafi á einhverjum tímapunkti komið nálægt þessari sveit. Þar að auki hefur sveitin sjálf verið kölluð öllum nöfnum undir sólinni svo það er mjög erfitt að átta sig á þessu öllu saman. Ég get hins vegar fullyrt að þetta er funky dót sem er vel þess virði að stúdera. Já og djöfull var ég búin að gleyma hvað Testify er gott lag!

Parliament - Testify
Parliament - Aqua Boogie (A Psychoalphadiscobetabioaquadoloop)

Topp 5 á föstudegi - Erla Þóra

Eric Clapton – Nobody knows you when you're down and out
Ok listinn þessa vikuna er máske örlítið litaður af því að ég er að fara á Clapton tónleika eftir viku.

Eric Clapton – Before you accuse me
Eins og ég sagði hér að ofan...

ABBA – Lay all your love on me
Já, ég fór á myndina... og á söngleikinn á sínum tíma... og já, mig langar að fara á sing along sýninguna á fimmtudaginn enda átti ég erfitt með að break-a ekki into song þegar ég sá myndina um daginn. Abba fan coming through!

Kanye West – Flashing Lights
Vignir spilaði þetta í fyrsta þemamatarklúbbnum án nafns síðasta laugardag og ég er búin að vera með stefið á heilanum síðan. Tjúttí-tjútt.

Fleet Foxes – Your Protector
Í algjöru uppáhaldi hjá mér þessa dagana!

Topp 5 á föstudegi - Zigs

Þessa dagana er ég mikið að fíla The Killers 
og hefur það mikil og augljós áhrif á listann minn í dag.

The Killers feat. Lou Reed – Tranquilize
Ég fæ alltaf gæsahúð þegar krakkarnir byrja að syngja.

The Killers – Read My Mind

The Killers - All These Things That I've Done

The Killers - Mr. Brightside

The Who – Sparks
Var að kaupa mér Live at Leeds.

topp 5 á föstudegi - zvenni

Fimm lög sem ég hef verið að hlusta á þessa vikuna. Þar sem ég er ellismellurinn í genginu markast músíkvalið talsvert af því...

Good to See You - Neil Young


Er enn að vinna úr Neil Young tónleikunum á hróarskeldu og sæki sífellt meira í gömlu plöturnar. Silver & Gold er í uppáhaldi þessa dagana. Einföld, róleg og sveitó, jafnvel naívsk á köflum en gott dæmi um mýkri hlið mannsins.

Don't Worry Be Happy - Bobby McFerrin


Heyrði þetta lag um daginn í einhverri búð og er búinn að vera að glamra það á gítarinn alveg síðan. Ofurjákvæð mantra sungin með kærulausum reggíhreim getur ekki annað en límt sig ínn í heilann og hringsólað þar.

Re: Stacks - Bon Iver


Georg vinur minn var að benda mér á þennan gaur, einhver indíhundur sem heitir Justin Vernon í alvörunni. Hann var sem sagt að gefa út plötu í fyrra sem heitir For Emma, Forever Ago sem eru eflaust gamlar fréttir fyrir mörgum en nýjar og merkilegar fyrir mér.
Skondið hvað sona rólyndis kassagítarvæl og gauragól með vott af laumulegri depurð smýgur í gegn um egóbrynjuna. Fær mann næstum til að langa til að opna sig og tjá hvað mar er í raun og veru að pæla. En sem betur fer er maður fljótur að hrista slíkt af sér, harðlæsa dyrunum aftur og ríghalda í kúlið.

Human Fly - The Cramps


...(talandi um kúl) Ef eitthvað er kúl þá er það rokkabillí, og ef eitthvað er meira kúl en rokkabillí þá er það sækóbillí.

Sister Ray - Velvet Underground


Var að heyra þetta lag um daginn. John Cale surgar á orgeli vörpuðu í gegnum gítarmagnara á meðan Lou Reed syngur um eitthvað sóðalegt í 17 mínútur. Afar skemmtilegt.

Topp fimm á föstudegi - Vignir

5. Metallica - ...And Justice for All
Justice er búin að fá nokkuð mikla spilun hjá mér upp á síðkastið þannig að titillagið fær að fljóta hér með.

4. Reykjavík! - You Always Kill
Ballaða frá Reykjavíkur!strákunum. Mig langar á tónleika! Viltu koma memm?

3 MGMT - Kids
MGMT eiga klárlega eina hressustu plötu ársins og þetta lagið er alveg frábært lag. Mjaðmirnar fara á hreyfingu og maður hlakkar til kvöldsins.

2. Grizzly Bear - Two Weeks
Grizzly Bear fara vonandi bráðum að gefa út næstu plötu sína því það sem þeir eru búnir að leyfa okkur að heyra er einfaldlega svo bilaðslega geðsjúklega klikkaðslega gott að maður verður að grípa til lýsingarorða tengdum geðsjúkdómum til að lýsa því. While You Wait for the Others er besta lag sem ég hef heyrt á árinu og hef ég rætt það áður. Þetta lag er engu síðra. Það er tekið upp í þætti David Letterman en gæðin stöðva það ekki frá því að færa mann yfir í heim bjarnarins. Christopher Bear er virkilega spennandi trommari sem djassar þetta pínu upp.

1. The Dodos - Ashley
Dodos platan er í miklu uppáhaldi þessa daga og þetta lag er uppáhalds nákvæmlega núna. Trommuleikurinn á þessu lagi er algerlega til fyrirmyndar.

Skráargeymslan er með leiðindi við mig þannig að mp3 kemur seinna

Topp 5 á föstudegi - Kristín Gróa

Það sem er á repeat hjá mér þennan föstudaginn sem og síðustu daga er:


5. Deer Tick - Art Isn't Real (City Of Sin)

Þetta er reyndar búið að fá ansi mikla spilun síðustu mánuðina en það gildir einu.


4. Fleetwood Mac - Angel

Það er yfirleitt eitt Fleetwood Mac lag í uppáhaldi og núna er það þetta.


3. Beck - Gamma Ray

Þetta er lagið sem greip mig strax af nýju plötunni og ég spila það í tíma og ótíma.


2. Lykke Li - Dance, Dance, Dance

Það er æðislegt að hlusta á þetta lag þegar ég er að búa mig undir bæjarferð, komin í kjól og með kokkteil í hendi. Mjög stelpulegt lag en það er bara betra!


1. The Felice Brothers - Roll On Arte

Ég las fyrst um The Felice Brothers hjá krökkunum í Breiðholti. Hlustaði ekkert rosalega mikið þá en enduruppgötvaði þetta lag svo um daginn og hef verið að hlusta stanslaust á það síðan. Æðislegt.