Topp 5 brúðkaupslög - Kristín Gróa

5. Sonny and Cher - I Got You Babe

Mér datt þetta lag fyrst í hug af öllum því ég búin að vera að upplifa Groundhog Day síðustu tvær vikur!


4. The Beatles - I Want To Hold Your Hand

Þetta þarf ekkert að vera grafalvarlegt er það?


3. Wilco - You And I

But you and I
I think we can take it
All the good with the bad
Make something that no one else has

Það er ekki alltaf allt hunkydory en það er allt í lagi og það verður bara að taka því með þessu góða. Er það ekki svona dálítið það sem hjónabandið gengur út á? I wouldn't know en ég get getið mér þess til ;)


2. Nick Cave & The Bad Seeds - Into My Arms

Einfaldlega af því ég fór í brúðkaup í sumar og þar söng besta söngkona sem ég veit um þetta lag í kirkjunni fyrir fallegustu brúðhjón sem ég hef séð í seinni tíð. Já ég táraðist.


1. Todmobile - Brúðkaupslagið

Hei það heitir Brúðkaupslagið og það gerir það sjálfvirkt númer eitt.

topp 5 karókí - Georg Atli

Karókí er fyndið.

5. Take on Me - Aha

Það er ótrúlega fyndið að hlusta á fólk rembast við háutónana í þessu lagi. Vont og óþægilegt en fyndið.

4. Solid - Asford & Simpson

80' dúettaslagari sem er skemmtilegt að með ofsalega undarlegan kafla þar sem báðir aðilar syngja:

The thrill is still hot
hot
hot hot
hot
hot
hot
hot.

rosa hratt og engin sem er ekki Nickolas Ashford, Valerie Simpson eða professional karókí syngjari nær þessu.

3. My Way - Sid Vicious

Flestir reyna að syngja Frank Sinatra útgáfuna af þessu en hljóma eins og Sid Vicious útgáfan... bara ekki á góðan hátt.

2. Schools Out - Alice Cooper

Klassískt í próflokadjamminu

1. Hey Jude - The Beatles

Bara af því að ég heyrði (oftar en einusinni)svo magnaða útgáfu af þessu lagi á Live Pub.


og svo eitt aukalag (af youtube) fyrir víetnamana fyrir ofan mig...

Topp 5 karókílög - Kristín Gróa

5. The Beatles - Revolution

Þetta lag kemst á listann fyrir það eitt að vera eina lagið sem ég man eftir að hafa sungið í karókí. Það var hvorki meira né minna en í karókíkeppni félagsmiðstöðvarinnar Arnardals og ég verandi sérstakur unglingur ákvað að syngja þetta lag svona for the hell of it. Það er nú gaman að segja frá því að Rósa vinkona vann þessa keppni með öruggum flutningi á Let It Be en hún er núna besta söngkona sem ég veit um!

4. Harry Nilsson - Without You

Ég sé fyrir mér dauðadrukkinn mann í krumpuðum jakkafötum með bindið laust að bera ástarsorg sína á torg fyrir fullan sal af ókunnugu fólki.

3. Neil Diamond - Sweet Caroline

Tacky já, en fullkomið karókí.

2. Bonnie Tyler - Total Eclipse Of The Heart

Þetta lag minnir mig reyndar ekki á karóki heldur þegar ég og Heiða vinkona stóðum fyrir framan klósettið á Dillon og sungum úr okkur lungun og einhver strákasni fór að ausa yfir okkur skömmum fyrir að syngja með. Hei en við vorum á stálhælum og með ælæner og með Bonnie Tyler með okkur í liði svo hann var fljótur að lyppast niður.

1. Joan Jett - I Love Rock'n'roll

Girl power, gítarriff, singalong OG klappalong!

Topp 5 góð Bítlalög

Bræður mínir ólu mig vel upp tónlistarlega og ég held ég hafi ekki verið nema ellefu ára þegar annar þeirra gaf mér margar Bítlaplötur á kassettum. Þetta saug ég í mig eins og svampur og hlustaði á þær fram og til baka í mörg ár. Eins og flestir sem hafa alist upp með Bítlunum þá get ég eiginlega ekki gert upp á milli laga en þessi listi er einhverskonar uppáhaldslagalisti þessa stundina.

5. I Feel Fine

Gítarstefið í þessu lagi gerir mig alveg klikkó.

4. Don't Let Me Down

Það er svo mikil örvænting í þessu lagi að mér finnst eins og það sé verið að kreista mig þegar þeir syngja viðlagið.

3. Tomorrow Never Knows

Ég gæti auðvitað aldrei sleppt þessu lagi. Maður gæti auðveldlega fallið í trans við að hlusta á það.

2. The Night Before

Help! er ein af alltime uppáhalds myndunum mínum og þaðan kemur ást mín á þessu lagi líklega.

1. Long, Long, Long

Síðasta Bítlalagið sem ég fattaði og það var svo frábært að hafa hlustað á Bítlana í öll þessi ár en uppgötva svo samt áður eitthvað sem hafði alltaf farið framhjá mér. Ég bölva því reyndar í hvert sinn hvað mixið er fáránlega lágt en hei það er lítið við því að gera annað en að hækka í tónlistinni!

Topp 5 senuþjófar - Kristín Gróa

5. Lou Reed á Fistful Of Love

I was lying in my bed last night staring
At a ceiling full of stars
When it suddenly hit me
I just have to let you know how I feel

Þetta lag er svo fallegt en mér finnst byrjunin samt alltaf best.

Antony And The Johnsons - Fistful Of Love


4. Eddie Van Halen á Beat It

Það tekur enginn svona gítarsóló nema Eddie Van Halen.

Michael Jackson - Beat It.


3. Jack White á Portland Oregon

Jack White trúði ekki eigin heppni þegar kántríhetjan og idolið hans Loretta Lynn vildi taka upp plötu undir hans stjórn. Honum tókst að láta hana skína eins og hún hafði ekki skinið í mörg ár og opna tónlist hennar fyrir fólki sem hefði aldrei hlustað á hana ef hans nyti ekki við. Platan er frekar straight up kántrí og hann heldur sig til baka á henni en á uppáhalds laginu mínu Portland Oregon syngur hann með henni og dregur fram gítarinn... og stelur senunni.

Loretta Lynn - Portland Oregon


2. Eric Clapton á While My Guitar Gently Weeps

Hvernig er hægt að stela senunni frá Bítlunum? Svona.

The Beatles - While My Guitar Gently Weeps


1. Emmylou Harris á öllu sem hún kemur nálægt

Emmylou Harris hefur sungið bakraddir með öllum frá Neil Young til Bright Eyes og alltaf finnst mér hún stela senunni. Hún er með svo ótrúlega sérstaka rödd sem gefur öllum lögum sem hún syngur eitthvað extra.

Bright Eyes - We Are Nowhere And It's Now
Bob Dylan - Oh, Sister
Gram Parsons - Love Hurts

Topp 5 léleg Bítlalög - Kristín Gróa

Ég á rosalega erfitt með að kalla Bítlalög léleg. Meira að segja þau allra heimskulegustu finnst mér oft bara fín. Yellow Submarine? Finnst það bara ekkert svo slæmt!

5. Nowhere Man

Ég veit ekki af hverju en þetta lag hefur alltaf farið alveg skelfilega í taugarnar á mér. Fæ bara ekkert út úr því að hlusta á það...

4. Rocky Raccoon

Þetta er bara svo mikið annars flokks lag. Það er ekkert pirrandi eða obnoxious heldur meira svona flehhh. Allt lagið er eitt stef endurtekið út í hið óendanlega og það stef er ekki einu sinni neitt spes... það er enginn stígandi, enginn kórus og textinn er um mann kenndan við þvottabjörn sem er stungið undan og hann svo skotinn. Eða? Who cares...

3. All You Need Is Love

Ástin er örugglega fín og allt það en maður þarf alveg meira. Mat í mallakútinn, þak yfir höfuðið, tónlist sem fær mann ekki til að kúgast...

2. Hello, Goodbye

Ef einhver getur botnað í því hvað hann Paul er að meina í þessu lagi þá er ég virkilega til í að sá hinn sami útskýri það fyrir mér. Textinn er óskiljanlegur, bakraddirnar eru kjánalegar og það gleymdist að setja laglínuna í lagið.

1. Ob-La-Di, Ob-La-Da

Fáránlega catchy lag en samt alveg gjörsamlega óþolandi. Svona lag sem ég fæ á heilann og verð svo pirruð á því að mig langar að skafa heilann á mér úr höfðinu. Brrr.

Topp 5 strengjanotkun - Kristín Gróa

Vá hvað mér datt fátt í hug þegar ég var að gera þennan lista en here goes...


5. Beth Orton - She Cries Your Name

Hvað varð eiginlega um Beth Orton? Hún kunni sko aldeilis að nýta sér angistarfulla strengi til hins ítrasta...


4. Fiona Apple - Extraordinary Machine

Ég held ég hafi aldrei búist við eins litlu af plötu og orðið síðan svona svakalega undrandi á því hversu góð hún var. Þetta titillag og opnunarlag plötunnar er í miklu uppáhaldi.


3. Björk - Jóga

Mér finnst strengirnir á Homogenic yfirhöfuð alveg rosalega flottir svo ég valdi bara eitt gott dæmi.


2. Andrew Bird - Fake Palindromes

Fyrir utan hvað þetta er allround frábært lag með frábærum texta og frábæru nafni þá er strengjastefið bara alveg frábært líka!


1. The Beatles - Eleanor Rigby

StrengjalagIÐ.

Gimme money - Kristín Gróa

Þegar minnst er á peningalög þá kemur ósjálfrátt eitt lag fyrst upp í hugann. Hvers vegna ekki bara að leyfa því að fylla upp í allan listann? Í engri sérstakri röð...


Smashing Pumpkins - Money (That's What I Want) live


Dwight Twilley - Money (That's What I Want)


The Beatles - Money (That's What I Want)


The Flying Lizards - Money (That's What I Want)


Barrett Strong - Money (That's What I Want)

Topp 5 bestu plötucover - Kristín Gróa

Það eru til óteljandi góð og slæm plötucover en ég ákvað að takmarka mig við plötur sem ég á uppi í hillu.


5. The Mars Volta - Frances The Mute

Ég hef svo sem aldrei verið neitt geðveikislega hrifin af þessari plötu en mér finnst coverið svo ótrúlega úthugsað og flott.

The Mars Volta - The Widow



4. Subtle - For Hero: For Fool

Þetta er bara svo töff. Svipbrigðalaust röndótt andlitið, júníformið og þetta logandi brjálæðislega hár. Myndin er af Hour Hero Yes sem er aðalkarakter plötunnar og ef þið hafið áhuga á að vita eitthvað meira um afdrif hans þá er ekki úrvegi að líta á þessa grein. Ég reyndar hvet ykkur til að lesa þetta því ég lofa að þið hlustið á plötuna með nýjum eyrum á eftir (tjah ef þið hafið hlustað á hana áður sem er reyndar ekki alveg sjálfgefið).

Subtle - The Mercury Craze


3. Slint - Tweez

Þetta er svo tilþrifalítið og boring að það er komið hringinn og orðið stórfenglegt. Ég meina... Saab?

Slint - Ron


2. The Beatles - Abbey Road

Þegar kemur að plötucoverum þá eru sum orðin algjörlega klassísk. Jafnvel þó fólk fylgist ekki mikið með tónlist þá getur það nefnt hljómsveitina og plötunafnið um leið og það sér plötuna. Bítlarnir áttu auðvitað fleiri sígild cover, sérstaklega er Sgt. Pepper's flott en þetta er samt í mestu uppáhaldi hjá mér.

The Beatles - Because


1. The Strokes - Is This It

Eitt af eftirminnilegustu coverum síðari ára. Bandaríkjamönnum fannst þetta að sjálfsögðu of dónalegt svo þeir fengu eitt mesta blehh cover allra tíma í staðinn. Hí á þá.

The Strokes - The Modern Age

Topp 5 dýralög - Krissa

The Unicorns - I Was Born (A Unicorn)

Er ekki nauðsynlegt að hafa smá svona mythical beings með? Ég meina, ef einhyrningar væru til í alvöru væru þeir dýr ;) Ég næstum ofhlustaði á Who Will Cut Our Hair When We're Gone? og fannst þetta lag bara endalaust skemmtilegt og fyndið.

Man Man - Push the Eagle's Stomach

Þetta var nú bara úllen-dúllen-doff því það eru alveg 3 Man Man lög sem mig langaði að setja hérna (the other two being Spider Cider og Ice Dogs). Hreint brjálæði og skemmtilegheit og 'mústassj, mústassj, mústassj' sönglið er æði :)

Caribou - Yeti

OK, það er svosem ekkert búið að sanna að Yetis séu til, frekar en einhyrningar, en það er bara aukaatriði því ég elska elska ELSKA þetta lag! Eitt af fyrstu (ef ekki allra fyrsta) lögunum sem ég heyrði með Caribou og ég get engan veginn fengið nóg af því. Lætur mann vilja boppa hausnum, hrista rassinn, vera glaður og fagna lífinu.

The Beatles - Blackbird
Einfalt, stutt og fallegt :)

Bonnie 'Prince' Billy - Wolf Among Wolves

Úff, Master and Everyone var liggur við soundtrack lífs míns í byrjun ársins 2003. Þetta lag vekur upp svo margar minningar að ég fæ ennþá sting í magann þegar ég heyri það. Fallegt og hljómar svo ótrúlega einlægt. Ég fæ líka pínu illt í hjartað þegar ég heyri "why can't I be loved as what I am?"

Og sem very special (jafnvel honourable) mention: Wild Horses í flutningi Iron&Wine og Calexico. Yndislegt lag að öllu leyti. Hef reyndar heyrt margar góðar útgáfur af þessu lagi (og þónokkrar slæmar) en þessi er í uppáhaldi núna. Það er bara eitthvað við þessa rödd.

Topp 5 random uppáhaldslög - Kristín Gróa

Glen Campbell - Wichita Lineman

And I need you more than want you
And I want you for all time

Ég get ekki að því gert en ég bara elska þetta lag út af lífinu.


The Beatles - Long, Long, Long

It's been a long long long time
How could I ever have lost you?
When I loved you?

Rósa vinkona spurði mig í vikunni hvað væri uppáhalds Bítlalagið mitt og þó ég hafi ekki treyst mér til að svara því þá kom þetta lag ósjálfrátt fyrst upp í hugann. Þetta fallega lag af hvíta albúminu er eitthvað svo látlaust að yfirleitt þegar ég tala um það þá annaðhvort man fólk ekki hvernig það er eða þekkir það yfirhöfuð ekki.


Elliott Smith - Between The Bars

Drink up baby, look at the stars
I'll kiss you again between the bars

Þetta er fyrsta lagið sem ég heyrði með Elliott Smith og ég varð svo bergnumin við fyrstu hlustun að ég rauk út í búð og keypti eina diskinn með honum sem ég fann. Það var XO og ég hlustaði á hann og ekkert annað í margar vikur á eftir.


Devendra Banhart - At The Hop

Put me in your tongue tied
Make it hard to say
That you ain't gonna stay

Ég verð nú seint talin brjálaður aðdáandi hans Devendra en hann á sín gullnu móment eins og þetta. Þetta er lítið ljúfsárt ástarlag sem er pínku sorglegt en samt alveg ofboðslega yndislegt um leið.


David Bowie - Rebel Rebel

You like me, and you like it all
You love dancing, and you look divine

Þetta er eitt af "ég er að fara á djammið og er strax búin að drekka tvö hvítvínsglös alveg óvart á meðan ég mála mig" lögunum mínum. Þegar enginn sér til þá hlusta ég á þetta og dansa um á nærfötunum með ælænerinn í annari hendi og hvítvínsglasið í hinni.

Topp 5 lokalög - Kristín Gróa

Jæja það eru bara golden oldies á listanum í þetta skiptið...


5. Dire Straits - Brothers In Arms af Brothers In Arms (1985)

Mér finnst þetta bara svo fallegt. Punktur.


4. Neil Young - Tonight's The Night - Part II af Tonight's The Night (1975)

Ég var fyrst að pæla í því að hafa byrjunarlögin og endalögin spegluð, þ.e. finna plötur þar sem byrjunarlagið er frábært og endalagið líka og byggja listana tvo þannig upp. Ég guggnaði samt á því en þessi plata hefði verið sjálfkjörin á listana því það er sama lagið í upphafi og í lokin, bara í öðrum búningi. Að ljúka plötu á sama hátt og hún byrjaði er eitthvað sem Neil Young á það til að gera, ekki alltaf svona augljóslega en mér finnst þetta rosalega flott leið til að gera plötuna að einni heild. Það lokar hringnum.


3. Stevie Wonder - I Believe (When I Fall In Love It Will Be Forever) af Talking Book (1972)

Þetta lag potar í einhvern auman blett innan í mér svo mig verkjar alltaf smá í hjartað þegar ég hlusta á það. Samt er lagið í raun uppfullt af von svo það er ekki vondur hjartaverkur heldur svona meira hjartað að segja "Hei ég er hérna! Ekki gleyma mér!". Sem er eins gott því maður má ekki gleyma hjartanu sínu.


2. Bob Dylan - Sad Eyed Lady Of The Lowlands af Blonde On Blonde (1966)

Þessi ástaróður til Söru Lownds er líklega uppáhalds Dylan lagið mitt og þá er nú mikið sagt. Þetta er einmitt það sem Dylan gerir best, það virðist ekki mikið vera í gangi en hann ryður út úr sér erindi eftir erindi og maður fær aldrei nóg þrátt fyrir að lagið sé ellefu mínútna langt. Lagið tók alla fjórðu hlið meistarverksins Blonde On Blonde og er heldur betur stórfenglegur endir á frábærri plötu.


1. The Beatles - A Day In The Life af Sgt. Pepper's Lonely Hearts Club Band (1967)

Ekki frumlegt val en ég get bara ekki ímyndað mér betra lokalag. I read the news today, oh boy er svo auðvitað ein besta upphafssetning lags ever.

Topp 5 lög til að elda við - Kristín Gróa

Ahh svo hressandi að gera listann algjörlega á síðustu stundu, bæði hvað varðar deadline og flugáætlun! Úff here goes:

5. Pixies - The Sad Punk

Einkennislagið mitt? Tjah það er spurning en ég veit allavega að þar sem græjurnar eru inni í stofu en ég inni í eldhúsi með viftuna í gangi þá þarf tónlistin bæði að vera hátt stillt og hávær að eðlisfari til að ég heyri eitthvað.

4. Nick Drake - Hazy Jane II

Þegar ég er að halda matarboð á laugardagskvöldi á ég það til að undirbúa mig fyrr um daginn í rólegheitunum, saxa og rífa svo allt verði tilbúið þegar alvöru eldamennskan hefst. Ef það er til betri laugardagseftirmiðdagstónlist en Nick Drake þá hef ég ekki heyrt hana.

3. Bow Wow Wow - I Want Candy

Þetta er bara svo kjánalega hresst og skemmtilegt. Fullkomið til að hlusta á þegar ég er að halda matarboð og er komin á það stig að þurfa að elda, mála mig og drekka bjór í einu... í catsuitinu.

2. The Shins - Know Your Onion!

Þó textinn sé alveg skelfilega vel við hæfi þá er staðreyndin líka sú að ég hlusta mjög oft á Shins þegar ég elda.

1. The Beatles - Savoy Truffle

Mmmm að hlusta á textann er nú nóg til að fá munnvatnið af stað en svo er þetta líka bara svo hresst! Já!