Topp 5 lög til að skrifa etnógrafíu við - Kristín Gróa

Nú hef ég aldrei skrifað etnógrafíu og þó ég þekki ónefndan mastersnema í mannfræði náið þá er ég hrædd um að listinn minn sé fullur af ályktunum um mannfræðinga sem byggðar eru á vanþekkingu og ályktunum. Here goes...

5. Toto - Africa

Dettur ekki öllum í hug frumstæðir ættbálkar í Afríku þegar þeir heyra orðin "mannfræðingur" og "etnógrafía"? Þetta hlýtur þá að smellpassa inn í þá stereótýpu.

4. Fela Kuti - Confusion

Svo við höldum okkur við Afríkuþemað þá er ekki úr vegi að hlusta á smá african beat þegar verið er að skrifa etnógrafíu. Þetta er líka svona að mestu leyti instrumental og það litla sem er sungið er á ókunnu tungumáli svo það er hægt að einbeita sér að etnógrafíunni án teljandi truflana.

3. Pulp - Common People

Hresst lag um ríka stelpu sem vildi stúdera fátæka fólkið og búa eins og það. Er það ekki dálítið eins og að fara í frumskóginn og búa meðal frumbyggjanna? Ég veit reyndar um einn mannfræðing sem myndi heldur vilja sjá þetta lag hér í flutningi ákveðinnar Star Trek hetju en það er nú annað mál ;)

2. Björk - Human Behaviour

If you ever get close to a human... and human behaviour...

Nafnið og textinn segja auðvitað allt sem segja þarf.

1. Nick Cave & The Bad Seeds - People Ain't No Good

Lag fyrir mannfræðinginn sem er búinn að stúdera mannkynið og hefur því miður bara komist að þeirri niðurstöðu að fólk er bara handónýtt. Ég þekki bara einn mann sem leggur það í vana sinn að skrifa etnógrafíur og hann er líklegri til að spila Nick Cave en flest annað svo ég held að þetta verði bara að vera topplagið mitt að þessu sinni :)

Lög til að skrifa etnógrafíu við - Zvenni

Við undirbúning, gagnaöflun, vettvangsvinnu og skrif á mannfræðilegri etnógrafíu er margt sem þarf að hafa í huga.

Indiana Jones lagið - John Williams
Í Bandaríkjunum er fornleifafræði undirgrein af mannfræði svo tæknilega séð er Indiana Jones mannfræðingur.

The Seeker - The Who
I've looked under chairs
I've looked under tables
I've tried to find the key
To fifty million fables

Mannfræðingurinn er alltaf í leit að þekkingu á hegðun mannverunnar.
Hvað er sameiginlegt með mismunandi samfélögum og samfélagshópum? Hvað er ekki sameigilegt? Af hverju? o.s.frv.

Where Everybody Knows Your Name - Gary Portnoy and Judy Hart Angelo
Mannfræðingurinn getur verið svo árum skiptir á vettvangnum en það er ekki fyrr en hann er orðinn einn af hinum innfæddu eða "heimalingur" sem hann hefur tækifæri til að túlka menningu þeirra af einhverju viti.

Knowing Me Knowing You - Evan Dando
Við rannsókn á öðrum felst einnig mikil sjálfskoðun og framandi samfélög útskýra margt í okkar eigin samfélagi. Oftar en ekki er hægt að koma auga á fjölda atriða sem eru sameiginleg. Með því að þekkja sjálfan sig og aðra (aha) og bera saman safnast pússlin upp og ný þekking verður til.

Us And Them - Pink Floyd
Us, and them
And after all were only ordinary men.
Black and blue
And who knows which is which and who is who.

Við og hinir, mannfræðingurinn og viðfangsefnin, FH og Haukar, Íslendingar og Danir, meirihluti og minnihlutahópar... gryfja sem mannfræðingurinn þarf alltaf að vera meðvitaður um. Flestir hópar finna leið til að aðgreina sig frá öðrum, hvort sem það er vegna samkeppni, staðsetningu, útliti, skoðunum eða öðru.
Þegar öllu er á botninn hvolft er þetta allt saman mannleg hegðun sem hefur þróast með umhverfi sínu og komið upp sínum formlegu og óformlegu reglum, boðum og bönnum. Með því að skoða mannlífið í sínum ýmsu myndum komumst við örlítið nær því að skilja okkur sjálf, uppruna okkar, hvað mótar einstaklinga og samfélög og fá svör við mörgum af þeim spurningum sem brunnið hafa heitast á mannskepnunni í gegn um tíðina.