Topp 5 veðurlög - Kristín Gróa

Fjögur þessara laga eru ýmist hávær, bjöguð, illa upptekin eða allt þrennt. Topplagið bætir upp fyrir það því það er silkimjúkt.


5. Beck - Sweet Sunshine

Lag af fyrstu plötu Becks sem hljómar allt öðruvísi en titillinn gefur til kynna. Það er enginn fuglasöngur og sumarandvari hérna.


4. Clap Your Hands Say Yeah - Some Loud Thunder

Ef ég man rétt þá hatar Vignir toppfimmari þetta lag en mér finnst það bara flott. Ég ber líka alltaf sterkar taugar til laga með áberandi kúabjöllu enda annálaður kúabjölluleikari.


3. Daniel Johnston - The Sun Shines Down On Me

Það er textinn sem grípur mig hérna. Einfaldur en hittir í mark.

I’m getting closer to the fact
I’ve turned my back on silly dreams
I’m walking down that lonely road
And my heavy load I didn’t bother to bring it


2. Sonic Youth - Rain King

Þetta kemur af meistaraverkinu Daydream Nation og ég vil benda sérstaklega á hvað trommurnar eru flottar.


1. Fleetwood Mac - Storms

Eitt af mörgum uppáhalds lögum. Tengi það reyndar við slæmt kvöld en ég get samt ekki hamið mig um að hlusta á það í sífellu. Þetta er tekið af hinni vanmetnu Tusk sem er óðum að taka fram úr Rumours sem uppáhalds Fleetwood Mac platan mín.

Cover

Vegna hugmyndaleysis ætla ég að setja inn nokkur góð cover í dag.


Þar sem ég er að enduruppgötva Elliott Smith þessa dagana þá finnst mér við hæfi að byrja á honum. Hann tekur hérna lagið Thirteen sem hann tók upp fyrir sándtrakkið við Mike Mills myndina Thumbsucker. Lagið er að sjálfsögðu upphaflega með költbandinu Big Star sem náðu aldrei miklum vinsældum og störfuðu ekki lengi en með tíð og tíma hafa áhrif sveitarinnar komið í ljós og nú poppa plöturnar #1 Record og Radio City oft upp á topplistum músíkspekúlanta.

Elliott Smith - Thirteen
Big Star - Thirteen


Cover númer tvö er útgáfa hljómsveitarinnar Clem Snide af laginu Don't Let The Sun Go Down On Your Grievience sem er lag annarar költ hetju, nefnilega Daniel Johnston. Lagið er að finna á hinni frábæru The Late Great Daniel Johnston - Discovered Covered. Plata þessi er tvöföld, á fyrri skífunni eru cover útgáfur hinna ýmsu artista af lögum Johnstons (m.a. Tom Waits, Teenage Fanclub og Beck) en á þeirri seinni eru sömu lögin í flutningi Johnstons sjálfs. Skemmtileg pæling og mjög góður inngangur að tónlist þessa athyglisverða listamanns.

Clem Snide - Don't Let The Sun Go Down On Your Grievience
Daniel Johnston - Don't Let The Sun Go Down On Your Grievience


Að lokum skulum við hlýða á eitt vel heppnaðasta cover sem ég man eftir í seinni tíð. Það er útgáfa dansskrímslanna í !!! á Magnetic Fields laginu Take Ecstasy With Me. Þetta klikkar aldrei.

!!! - Take Ecstasy With Me
The Magnetic Fields - Take Ecstasy With Me