Sarpurinn

Í Sarpi vikunnar ætla ég að fjalla um hina frábæru plötu Being There með hljómsveitinni Wilco. Ég gæti í raun tekið fyrir margar Wilco plötur hérna en einhvernveginn finnst mér rökrétt að byrja á þessari breakthrough plötu sveitarinnar. Hún kom út árið 1996 og inniheldur hvorki meira né minna en 19 lög enda tvöföld plata.

Hér eru Wilco rétt aðeins farnir að stefna í þá tilraunakenndu átt sem náði hápunkti á Yankee Hotel Foxtrot (Hotel Arizona) og A Ghost Is Born en þó eru hér í heildina mun hefðbundnari lagasmíðar (Say You Miss Me) og inn á milli má enn heyra kántrítónana sem Jeff Tweedy flutti með sér frá sveitinni Uncle Tupelo (Someday Soon).

Jay Bennett er hér nýgenginn til liðs við Wilco og setur sitt mark á plötuna. Hann átti síðan eftir að vera rekinn þegar upptökunum á Yankee Hotel Foxtrot var lokið eftir ágreining við Tweedy. Það er skemmtileg tilviljun að Being There byrjar einmitt á laginu Misunderstood þar sem Tweedy vísar í upplausn Uncle Tupelo en hann og Jay Farrar skildu vægast sagt illa þegar sú sveit hætti.

Take the guitar player for a ride
Cause he ain't never been satisfied
He thinks he owes some kind of debt
Be years before he gets over it

Eins og ég minntist á telur platan 19 lög og þar af birtist eitt hressasta breakup lag sem ég man eftir tvisvar í sitthvorri útsetningunni, fyrst sem Outtasite (Outta Mind) og svo sem Outta Mind (Outta Sight). Textarnir eru almennt frekar mikill downer enda Tweedy að ganga í gegnum nokkra erfiðleika í einkalífinu á þessum tíma auk þess að vera að sætta sig við að vera orðinn fullorðinn og allar skyldurnar sem því fylgir. Þrátt fyrir bömmerinn sem er almennt í gangi hérna þá er þetta ein af fáum tvöföldu plötum sem ég hlusta á í einum rykk. Hún er líka áhugaverður kafli í sögu þessarar stórmerkilegu hljómsveitar sem hefur gengið í gegnum miklar mannabreytingar og stílbreytingar á 15 ára starfstímabili sínu.

Topp 5 brúðkaupslög - Kristín Gróa

5. Sonny and Cher - I Got You Babe

Mér datt þetta lag fyrst í hug af öllum því ég búin að vera að upplifa Groundhog Day síðustu tvær vikur!


4. The Beatles - I Want To Hold Your Hand

Þetta þarf ekkert að vera grafalvarlegt er það?


3. Wilco - You And I

But you and I
I think we can take it
All the good with the bad
Make something that no one else has

Það er ekki alltaf allt hunkydory en það er allt í lagi og það verður bara að taka því með þessu góða. Er það ekki svona dálítið það sem hjónabandið gengur út á? I wouldn't know en ég get getið mér þess til ;)


2. Nick Cave & The Bad Seeds - Into My Arms

Einfaldlega af því ég fór í brúðkaup í sumar og þar söng besta söngkona sem ég veit um þetta lag í kirkjunni fyrir fallegustu brúðhjón sem ég hef séð í seinni tíð. Já ég táraðist.


1. Todmobile - Brúðkaupslagið

Hei það heitir Brúðkaupslagið og það gerir það sjálfvirkt númer eitt.

Topp 5 blómalög - Kristín Gróa

5. Psychic TV - The Orchids

Ég hef áður sett þetta lag hingað inn en þá í flutningi Califone sem coveruðu það á hinni frábæru plötu Roots & Crowns. Sú útgáfa finnst mér satt að segja mun betri en orginallinn en það er gaman að hlusta á hann öðru hvoru líka.


4. Statler Brothers - Flowers On The Wall

Eitt gamalt og gott... fæ aldrei leið á viðlaginu þegar bakröddin syngur watching captain kangaroo djúpri röddu.


3. Wilco - Forget The Flowers

Eitt af mörgum góðum lögum á tvöföldu skífunni Being There sem er umdeilanlega ein af betri plötum þessarar frábæru sveitar.


2. Elliott Smith - Rose Parade

Rólegt og fallegt lag eins og Elliott Smith gerði þau best.


1. Neutral Milk Hotel - King Of Carrot Flowers Part 1

Þessi plata er auðvitað skyldueign á heimilum allra sannra tónlistaráhugamanna. Þetta er ein heilstæðasta og besta platan í mínu plötusafni, svo mikið er víst, og upphafslagið er einn af hápunktum hennar.