Topp 5 lög með listamönnum sem bera aðeins eitt nafn - Kristín Gróa

Ég ætlaði að kalla þennan lista Beck og stúlkurnar en ákvað svo að hafa bara stúlkur á listanum svo Beck féll af toppi listans og alla leið af honum. C'est la vie! Sá svo rétt áður en ég póstaði að Clara fékk sömu hugmynd og við erum með tvær sömu stelpur... go figure ;)


5. Odetta - Midnight Special

Það er engin kona með rödd á við Odettu og hún gerir þetta klassíska lag að sínu.


4. Madonna - La Isla Bonita

Ég get ekki sleppt Madonnu. Þetta lag er pínu fáránlegt en eftir að ég komst einhverstaðar yfir rokkað cover af því þá fattaði ég það betur og get núna hlustað á orginalinn. Ekki í fyrsta skipti sem það gerist get ég sagt ykkur. Kannski er það ástæðan fyrir að ég fíla svona mikið af hallærislegum lögum? Ég get allavega afsakað mig með því hehemm.


3. Melanie - Any Guy

Hippastúlkan Melanie stendur alltaf fyrir sínu og þetta lag er mitt uppáhalds með henni.


2. Feist - Feel It All

Það er í raun frekar deprímerandi texti í þessu lagi en það er samt svo hresst að ég verð alltaf úberglöð þegar ég hlusta á það. Vú föstudagslag!


1. Kelis - Young Fresh And New

Fyrir það fyrsta þá er Kelis bara alveg fáránlega töff. Þetta lag er svo nánast ennþá meira töff en hún sjálf. Vídjóið er samt hugsanlega mest töff af öllu. Mhhmmm.

Topp 5 remix - Kristín Gróa

Ég viðurkenni fúslega að ég er ekki mikil remix manneskja og er almennt ekkert spennt fyrir að verða mér út um svoleiðis eða hlusta á þau ef ég slysast til að eignast þau. Bestu remixin finnst mér þau sem hljóma ekki eins og remix... ef það meikar eitthvað sens.


5. Boys Noize - Lava Lava (Tits And Clits Remix)

Mér finnst orginallinn ekkert svo spes en remixið finnst mér betra og það er mjög gott að hlaupa við það. Try it!


4. HEARTSREVOLUTION - CYOA! (Flosstradamus Remix)

Get ekki sagt að þetta sé betra en upprunalega útgáfa... meira svona jafngott en öðruvísi.


3. HEALTH - Crimewave (Crystal Castles vs. Health)

Mér finnst Health remix diskurinn Health//Disco rosalega góður, kannski af því ég hef aldrei hlustað neitt af viti á upprunalega diskinn. Mér finnst þetta laaaaangbesta lagið á diskinum, mjög Crystal Castles-legt og snýr annars frábærum orginal alveg á haus.


2. Kelis - Bossy (Alan Braxe & Fred Falke Remix)

Mér finnst upprunalega útgáfan alveg flott en þar vantar pínku oomph. Hér er oomphið.


1. Andrew Bird - Imitosis (Four Tet Remix)

Nú finnst mér þetta lag alveg ótrúlega flott til að byrja með en mér finnst remixið alveg hreint geggjað. Eins og við er að búast af Four Tet er remixið ekkert in your face en breytingin gerir samt það mikið að ég hlusta frekar á þetta en orginalinn.