Það er alltaf gaman að vera eftirá. Þegar ég var úti um daginn og var að gramsa í rekkunum í Other Music otaði Snorri að mér Birds Make Good Neighbours með The Rosebuds og mælti með að ég tékkaði á henni. Við nánari athugun kom í ljós að þessi plata kom út árið 2005 og hefur greinilega farið algjörlega framhjá mér því þó ég kannaðist óljóst við nafnið á sveitinni hafði ég aldrei heyrt í henni. Ég ákvað nú samt að bæta diskinum í bunkann úr því Snorri mælti með honum og vá hvað ég sé ekki eftir því. Mér leist eiginlega hvorki á plötucoverið, plötunafnið né hljómsveitarnafnið... fannst þetta allt hljóma eins og það gæti verið væmið og asnalegt en svo er það meira svona quirky og drungalegt. Ég er vonlaus þegar kemur að því að líkja hljómsveitum saman svo ég get ekki nefnt neitt sem þessi minnir á en ég veit bara að mér finnst platan mjög góð. Það skemmtilega er svo að þau gáfu út plötuna Night Of The Furies í fyrra sem ég á þá bara alveg inni að hlusta á. Heppilegt!
The Rosebuds - Shake Our Tree (hressandi!)
The Rosebuds - Blue Bird (hugljúft!)
