Topp 5 VOND cover - Georg Atli

Ég hef sagt það áður og ég segi það enn einu sinni, mér finnst cover vera mjög merkileg. Þetta á líka við um vond cover, ég lenti meira að segja í svo miklum valkvíða með að velja úr safninu mínu að listinn kemur degi of seint en hérna koma mín topp 5:


5. Scarlett Johansson - Last Goodbye (Jeff Buckley cover)

Scarlett er voðaleg sæt og hæfileikarík leikkona og hún kann svosem alveg að syngja ágætlega en hún ætti ekki að covera nein lög, hún sannaði það með Tom Waits tribute plötunni sinni svo rækilega að öll lögin á listanum ættu eiginlega að vera af þeirri plötu... en það væri of augljóst.


4. Dizzee Rascal - That's Not My Name (The Ting Tings cover)

Þetta er ekki einu sinni gott lag í upprunalegu útgáfunni, AF HVERJU Í ÓSKÖPUNUM ERTU AÐ GERA ÞAÐ VERRA!!!

3. Xiu Xiu - Fast Car (Tracy Chapman cover)

Xiu Xiu ákváðu að verða svo mikið artý og krútt að það fór hringinn og varð að einhverju allt öðru og undarlegu.



2. Chris Cornell - Billy Jean (Michael Jackson cover)

Ef að Michael Jackson hefði verið í hvítur, kjánalegur og forsöngvarinn í Creed, Nickleback eða Live þá hefði það líklega hljómað svona.

1. Olivia Newton-John - Ring of Fire (Johnny Cash cover)

Það er ekkert hægt að lýsa þessu lagi neitt, það er svo hræðilega poppað og sykursætt að það verður bara að hlusta á það ef maður vill vita. Það má reyndar benda á það að lagið kom út á plötunni Making a Good Thing Better, jú þið lásuð rétt better

Topp 5 vond cover - Erla Þóra

5. Hilary Duff - My Generation (The Who)

Ég ætla bara að púlla gelgjuna á þetta: Oh. My. God. Þetta er horrendous!

4. Goo Goo Dolls & Limp Bizkit - Wish You Were Here (Pink Floyd)

Mjög illa farið með þetta yndislega lag. Bara í einu orði sagt skelfilegt.

3. Avril Lavigne - Chop Suey (System of a Down)

Soooo bad. Þó að ég geti varla haldið lagi gæti ég ábyggilega coverað þetta betur.

2. Madonna - American Pie (Don McLean)

Hef hatað þetta cover frá fyrstu hlustun. Punktur.

1. William Shatner - Lucy in the Sky with Diamonds (The Beatles)

William Shatner er svo óendanlega svalur á kjánalegann hátt. En þetta cover er í einu orði sagt hræðilegt! (Áhugasömum er bent á að kíkja einnig á Hr. Shatner covera Elton John-slagarann Rocket Man með miklum leikrænum tilþrifum 1978).

Topp 5 vond cover - Kristín Gróa

Það eru til svo rosalega mörg vond cover að ég ákvað frekar að reyna að gera lista yfir cover sem líta vel út á blaðinu en eru svo í raun bara arfaslök. Svona "þið hefðuð átt að geta betur" lista.


5. Cat Power & Karen Elson - I Love You (Me Either) (Serge Gainsbourg cover)

Þetta hljómar svo vel... Cat Power með sína husky rödd syngur eitt af klúrari lögum allra tíma á móti eldheitu eiginkonunni hans Jack White. Tjah nema þær gera það með því að þýða textann orð fyrir orð og strípa allan kynþokkann úr laginu. Hvað er þá eftir?


4. Devendra Banhart - Don't Look Back In Anger (Oasis cover)

Eitt af fáum Oasis lögum sem ég fíla enn og Devendra Banhart varð auðvitað að "skrítna" það.


3. Eels - Get Ur Freak On (Missy Elliot Cover)

Ég dýrka og dái Mark Everett og hann hefur gert mörg mjög flott cover (Daniel Johnston lagið Living Life kemur fyrst upp í hugann). Þetta er aftur á móti bara furðulegt.


2. Xiu Xiu - Isobel (Björk cover)

Ókei mér finnst Xiu Xiu reyndar alveg fáránlega mistæk í sinni tónlist en þetta er bara svo vont að það það er sárt að hlusta.


1. Animal Collective - Polly (Nirvana cover)

Ég veit ekki hvernig menn með svona mikla hæfileika gátu gert svona slæmt cover. Það þarf í raun hæfileika til!