Topp 5 vond cover - Kristín Gróa

Það eru til svo rosalega mörg vond cover að ég ákvað frekar að reyna að gera lista yfir cover sem líta vel út á blaðinu en eru svo í raun bara arfaslök. Svona "þið hefðuð átt að geta betur" lista.


5. Cat Power & Karen Elson - I Love You (Me Either) (Serge Gainsbourg cover)

Þetta hljómar svo vel... Cat Power með sína husky rödd syngur eitt af klúrari lögum allra tíma á móti eldheitu eiginkonunni hans Jack White. Tjah nema þær gera það með því að þýða textann orð fyrir orð og strípa allan kynþokkann úr laginu. Hvað er þá eftir?


4. Devendra Banhart - Don't Look Back In Anger (Oasis cover)

Eitt af fáum Oasis lögum sem ég fíla enn og Devendra Banhart varð auðvitað að "skrítna" það.


3. Eels - Get Ur Freak On (Missy Elliot Cover)

Ég dýrka og dái Mark Everett og hann hefur gert mörg mjög flott cover (Daniel Johnston lagið Living Life kemur fyrst upp í hugann). Þetta er aftur á móti bara furðulegt.


2. Xiu Xiu - Isobel (Björk cover)

Ókei mér finnst Xiu Xiu reyndar alveg fáránlega mistæk í sinni tónlist en þetta er bara svo vont að það það er sárt að hlusta.


1. Animal Collective - Polly (Nirvana cover)

Ég veit ekki hvernig menn með svona mikla hæfileika gátu gert svona slæmt cover. Það þarf í raun hæfileika til!

Topp 5 gæsahúð - Kristín Gróa

5. Neil Young - Pardon My Heart

Pardon my heart
If I showed that I cared
But I love you more than moments
We have or have not shared

4. Cat Power - Good Woman

Hið fullkomna breakup lag.

3. Al Green - Simply Beautiful

Hið fullkomna ástarlag.

2. The Shins - New Slang

I'm looking in on the good life
I might be doomed never to find

Örugglega í sjötugasta sinn sem þetta lag ratar á lista.

1. Bon Iver - Re: Stacks

Bróðir minn lést í janúar og þá daga keyrði ég á hverjum degi upp á Akranes til að vera með honum og fjölskyldunni minni. Þessa erfiðu daga þegar ég keyrði fram og til baka hlustaði ég aftur og aftur á Bon Iver sem veldur því auðvitað að núna þegar ég hlusta á hann þá skellur sorgin á mér fyrirvaralaust. Þó textinn í þessu lagi fjalli ekki um dauðann þá eru hlutar af honum sem töluðu virkilega til mín og hjálpuðu mér, eins klisjukennt og það hljómar. Ég fæ gæsahúð, kökk í hálsinn og hnút í magann.

This is not the sound of a new man or crispy realization
It's the sound of the unlocking and the lift away
Your love will be
Safe with me

Topp 5 karlmannsnafnalög - Kristín Gróa

5. Cat Power - Song To Bobby

A phone call from your New York City office
You were supposedly asking to see me
And how I wanted to tell you
That I was just only four hundred miles away

Byrjum á einu nýju lagi af hinni nýútgefnu Jukebox. Þetta er eina nýja lagið á plötunni og er söngur til Bob Dylan sem vísar óneitanlega til lagsins Song To Woody. Mjög fallegt lag og að mínu mati hápunktur plötunnar.


4. Son House - John The Revelator

Now Christ had 12 apostles, and three he laid away
He said "Watch for me one hour, while I go yonder and pray"

Delta blúsarinn Son House var virkilega engum líkur og ef þið trúið mér ekki þá þarf ekki meira en að hlusta á þetta lag til að sannfærast.


3. Songs: Ohia - John Henry Split My Heart

John Henry split my heart
He says boy what you going to do
With your heart in two

Ef það er einhver þarna úti sem hefur ekki hlustað á tónlist Jason Molina þá er ekki of seint að byrja núna og ég mæli með að viðkomandi byrji á plötunni Magnolia Electric Co. þar sem þetta lag er að finna.


2. Regina Spektor - Samson

Oh I cut his hair myself one night
A pair of dull scissors in the yellow light
And he told me that I'd done alright
And kissed me 'til the mornin' light

Þetta er bara svo fallegt lag að hjartað mitt skjálfar aðeins í hvert skipti sem ég hlusta.


1. Bob Dylan - Blind Willie McTell

There's a chain gang on the highway
I can hear them rebels yell
And I know no one can sing the blues
Like Blind Willie McTell

Það er erfitt að gera upp á milli Dylan laga en þetta hér um blúsarann Blind Willie McTell hlýtur að komast ofarlega á lista yfir þau bestu. Fyrir músíknörda má svo benda á það er enginn annar en Mark Knopfler sem spilar á gítarinn í þessu lagi á meðan Dylan sjálfur spilar á píanóið.

I'm Not There

Ég og Vignir skámáglingur fórum í menningarferð á Hverfisgötuna í gærkvöldi þar sem við horfðum á myndina I'm Not There í Regnboganum. Myndin er byggð á ævi Bob Dylan en var meira abstrakt en ég bjóst við. Þetta er ekki beint ævisaga hans heldur meira svona pælingar í persónu hans. Það hefur vakið mikla athygli að margir leikarar leika hann en karakterarnir eru ekki allir beint hann sjálfur heldur eru þeir í svipuðum aðstæðum og í svipuðu hugarástandi og hann. Ég held reyndar að það hafi hjálpað mér gríðarlega að þekkja hans sögu vel því ég fattaði tilvísanirnar og gat því notið myndarinnar án þess að vera sífellt ringluð. Ég mæli engu að síður með myndinni fyrir alla, nema kannski þá sem þola ekki Bob Dylan :)

Það er auðvitað alveg rosalega góð tónlist í þessari mynd og það kom mér nokkuð að óvart að meginuppistaðan eru orginalar fluttir af Bob Dylan sjálfum en ekki coverlög. Soundtrack myndarinnar er nefnilega stjörnum prýtt en allt eru það cover lög (utan eitt) og fæst þeirra koma fram í myndinni. Antony & The Johnsons, Cat Power, Sufjan Stevens, Calexico, Sonic Youth, Yo La Tengo, Stephen Malkmus og Jeff Tweedy eru bara brot af þeim sem eiga lög á plötunni og þó útgáfurnar séu dálítið hit and miss eins og við er að búast þá er þetta í heildina mjög eiguleg plata.

Antony & The Johnsons - Knockin' On Heaven's Door
Cat Power - Stuck Inside Of Mobile With The Memphis Blues Again