Topp 5 byrjunar trommutaktar - Kristín Gróa

5. Bow Wow Wow - C30 C60 C90 Go!

Nýbylgjusveitin Bow Wow Wow með hina barnungu Annabella Lwin í fararbroddi voru mikið fyrir trumbuslátt og hér er hann í aðalhlutverki. Mér hefur alltaf fundist þetta skondna lag um að taka tónlist upp á kassettu alveg ferlega hressandi.

It used to break my heart when I went in your shop
And you said my records were out of stock
So I don't buy records in your shop
Now I tape them all, 'cause I'm Top of the Pops!

4. Wolf Parade - You Are A Runner And I Am My Father's Son

Það er ekki það að trommurnar séu eitthvað sérlega flóknar heldur eru þær svo ákveðnar og halda laginu gjörsamlega uppi. Þetta er fyrsta lagið á plötunni og virkar á mig sem svona "HEI VIÐ ERUM BYRJAÐIR AÐ SPILA!" og þá er ekkert annað að gera en að hlusta. Að byrja fyrstu plötuna sína svona er bara alveg ótrúlega svalt múv.

3. Animal Collective - The Purple Bottle

Eitt besta lagið á hinni stórgóðu Feels byrjar á hressum og óvenjulegum trommuslætti sem brýst svo auðvitað út í allsherjar rugl og skemmtilegheit.

2. The Knack - My Sharona

Ég held að fátt segi meira "komum okkur í stuðið og dönsum eins og kjánar!" heldur en upphafstakturinn í þessu lagi. Bara það að allir þekkja lagið samstundis um leið og trommurnar byrja er næg sönnun þess að þetta lag á erindi á listann.

1. Bauhaus - Bela Lugosi's Dead

Fyrsta smáskífa og án efa þekktasta lag bresku gothrokkaranna í Bauhaus byrjar á svalasta og mest eery takti sem ég hef heyrt. Fyrstu tvær mínúturnar er mest lítið í gangi nema þessi taktur og að mínu mati setur það algjörlega tóninn fyrir þetta drungalega lag.

Næsti listi...

Vignir skámáglingur minn er einn af þessum mönnum sem rythminn getur heltekið án nokkurs fyrirvara. Hann hefur oft talað um að þegar hann heyrir viss lög þá tekur hann einfaldlega ekki nokkra ábyrgð á því sem útlimirnir gera. Ég hef orðið vitni að þessu ástandi og það er SVAKALEGT. Allavega... þá valdi hann lista vikunnar og það kom engum á óvart að drengurinn valdi topp 5 upphafs trommutakta í lögum svo við höfum öll verið í mjög taktlegum pælingum þessa vikuna.

Okkur er líka sérstök ánægja að tilkynna að þessa vikuna erum við með gestalistamann sem hefur sko aldeilis vald á kjuðunum. Það er enginn annar en trommarinn, FÍH dúddinn, Hljóðfærahússstarfsmaðurinn og fornleifafræðineminn Jón Óskar Jónsson sem ætlar að koma með sitt sérfræðiálit á lista vikunnar.

Jón Óskar í djörfum dansi

Topp 5 boyband lög - Krissa

Jább, allt of sein, comme toujours. En ég bara varð að fá að vera með...

Bay City Rollers - I Only Want To Be With You
Þetta er bara of fyndið og skemmtilegt! Eins og outfitin séu ekki nógu slæm heldur eru danssporin verri!



The Monkees - Daydream Believer
Það er náttúrulega ekki hægt að gera boyband lista án The Monkees og þetta lag er í pínu uppáhaldi. Auk þess heyrði ég actually annað boyband (held það hafi bara verið Boyzone! ojjj) covera það einhvern tíma fyrir löngu síðan (þegar ég var yngri og vitlausari). Það er auðvitað muuun betra með Monkees :)

The Temptations - Old Man River
Víjjj...Melvin Franklin er rosalegur! Styð þetta! :)



Jackson 5 - Ain't No Sunshine
Æjj þegar Michael var ennþá krútt! Þetta lag er bara svo gott!

N'Sync - Gone
Ég hlustaði aldrei neitt á N'Sync og ég held að þetta sé í alvörunni eina lagið sem ég þekki með þeim EN það er líka æði...þrátt fyrir að ég sjái JT krullhærðan fyrir mér í hvert skipti sem ég heyri það ;)

Lagið er hinsvegar enn flottara þegar JT flytur það einn...sérstaklega í París og svona...fínir tónleikar :)

Tusk

Að öllu öðru og öðrum ólöstuðum þá get ég varla ímyndað mér meira afslappandi kvöld en þetta kvöld. Ég sit ein heima í stofu með rauðvínsglas, fullt af kertum, er að skoða kjóla á ebay og er með hina syndsamlega vanmetnu Fleetwood Mac snilld Tusk á fóninum. Ég mæli svo eindregið með þessu vídjói hérna sem er clip úr heimildamynd þar sem verið er að fjalla um lagið Angel sem er einmitt að finna á plötunni.

Nellie McKay

Ég veit ekki alveg hvernig á að skilgreina tónlist Nellie McKay en ef ég ætti að reyna þá dettur mér í hug að kalla hana einhverskonar pólitíska djass- og söngleikjaskotna Fionu Apple en það er samt frekar tæp lýsing. Hún var að gefa út nýja plötu sem heitir Obligatory Villagers og hefur verið að fá svona tæplega þokkalega dóma fyrir hana hjá bæði Pitchfork, Rolling Stone og PopMatters. Burtséð frá því öllu þá finnst mér lagið Identity Theft ferlega skrítið og skemmtilegt. Ég læt líka fylgja með lag af síðustu plötu sem var í miklu uppáhaldi hjá mér þar sem stúlkan ræðst á dýratilraunir Columbia háskóla.

Nellie McKay - Identity Theft
Nellie McKay - Columbia Is Bleeding

José González

Hinn argentísk-ættaði-en-sænsk-fæddi José González var að gefa út sína aðra plötu í síðustu viku sem nefnist In Our Nature. Ég hlustaði reyndar aldrei á fyrri plötuna hans, Veneer, í heild sinni en líkaði þó það sem ég heyrði nógu mikið til að fara alein á tónleikana sem hann hélt á NASA á sínum tíma. José hefur tekið ófáar ábreiður af þekktum lögum og ég man að þegar hann tók Massive Attack lagið Teardrop á þessum tónleikum þá fannst mér eins og það hlyti að vera flottasta cover allra tíma. Ég fékk allavega gæsahúð uppúr og niðrúr. Þetta lag er einmitt á nýju plötunni og er enn alveg rosalega flott. Hans eigin lög eru líka alveg pottþétt og á nýju plötunni er ég sérstaklega hrifin af laginu Killing For Love.

José González - Teardrop
José González - Killing For Love

Crystal Castles

Nú er sko aldeilis kominn tími á smá þriðjudagshressleika. Crystal Castles koma frá Toronto og spila elektróník eins og enginn sé morgundagurinn. Sándið sitt fá þau víst með því að setja Atari 5200 hljóðflögu inn í hljómborð. Ég sel það ekki dýrara en ég keypti það en það passar allavega að því leyti til að Crystal Castles er gamall Atari tölvuleikur svo kannski kemur nafnið einmitt þaðan. Ég mæli eindregið með laginu Air War enda efast ég um að nokkur geti setið kyrr með það í gangi. Sama má í raun segja um remixið þeirra af Bloc Party laginu Hunting For Witches sem er ferlega smellið.

Crystal Castles - Air War
Bloc Party - Hunting For Withces (Crystal Castles remix)