Topp 5 jarðarfararlög - Kristín Gróa

Ég hef aldrei leitt hugann að því hvaða lög ég myndi vilja láta spila í jarðarförinni minni svo hér koma mín frekar fyrirsjáanlegu jarðarfararlög.

5. Eric Clapton - Tears In Heaven

Clapton söng um dauða sonar síns en þetta á held ég alltaf við.

4. Sigur Rós - Dánarfregnir og jarðarfarir

Þetta lag er eiginlega ultimate dauðalagið í mínum huga og Sigur Rós flytja það á dramatískan hátt.

3. Eels - It's A Motherfucker

It's a motherfucker being here without you. Nákvæmlega.

2. George Harrison - All Things Must Pass

Lífið líka.

1. Vilhjálmur Vilhjálmsson - Söknuður

Mér finnst ég varla heill né hálfur maður og heldur ósjálfbjarga því er verr. Segir þetta ekki allt sem segja þarf?

Topp 5 vangalög - Kristín Gróa

Þegar ég var tólf ára þá var aðalspenningurinn við það að fara á bekkjarkvöld að sjá hverjir myndu vanga við rólegu lögin. Það kom ekki oft fyrir að ég tæki þátt í slíku (búfokkinghú eh?) en það kom þó fyrir. Einhverra hluta vegna tengi ég bara tvö lög við þetta og það eru lögin í fyrsta og öðru sæti á þessum lista. Hin eru meira lög sem eru fullkomin vangalög ef maður stundaði þannig lagað lengur ;)

5. Eric Clapton - Wonderful Tonight

Fyrir þá sem eru í sambandi.

4. Chris De Burgh - Lady In Red

Fullorðins, pínku hallærislegt en engu að síður frekar frábært.

3. The Bangles - Eternal Flame

Ókei ég elska þetta lag klárlega.

2. Roxette - It Must Have Been Love

Einn af klassíkerum tíunda áratugarins enda fæ ég mega nostalgíukitl þegar ég hlusta á þetta.

1. Bryan Adams - Heaven

Það er örugglega bara nostalgía en mér finnst þetta næstum því gott lag. Þetta er allavega í mínum huga ultimate vangalagið.

Topp 5 senuþjófar - Kristín Gróa

5. Lou Reed á Fistful Of Love

I was lying in my bed last night staring
At a ceiling full of stars
When it suddenly hit me
I just have to let you know how I feel

Þetta lag er svo fallegt en mér finnst byrjunin samt alltaf best.

Antony And The Johnsons - Fistful Of Love


4. Eddie Van Halen á Beat It

Það tekur enginn svona gítarsóló nema Eddie Van Halen.

Michael Jackson - Beat It.


3. Jack White á Portland Oregon

Jack White trúði ekki eigin heppni þegar kántríhetjan og idolið hans Loretta Lynn vildi taka upp plötu undir hans stjórn. Honum tókst að láta hana skína eins og hún hafði ekki skinið í mörg ár og opna tónlist hennar fyrir fólki sem hefði aldrei hlustað á hana ef hans nyti ekki við. Platan er frekar straight up kántrí og hann heldur sig til baka á henni en á uppáhalds laginu mínu Portland Oregon syngur hann með henni og dregur fram gítarinn... og stelur senunni.

Loretta Lynn - Portland Oregon


2. Eric Clapton á While My Guitar Gently Weeps

Hvernig er hægt að stela senunni frá Bítlunum? Svona.

The Beatles - While My Guitar Gently Weeps


1. Emmylou Harris á öllu sem hún kemur nálægt

Emmylou Harris hefur sungið bakraddir með öllum frá Neil Young til Bright Eyes og alltaf finnst mér hún stela senunni. Hún er með svo ótrúlega sérstaka rödd sem gefur öllum lögum sem hún syngur eitthvað extra.

Bright Eyes - We Are Nowhere And It's Now
Bob Dylan - Oh, Sister
Gram Parsons - Love Hurts

Topp 5 sorgleg lög - Kristín Gróa

5. Elliott Smith - Miss Misery

Mér finnst bæði vera hægt að túlka þetta lag þannig að það fjalli um þunglyndi eða einfaldlega sambandsslit. Hvort sem það er þá tosar það allavega í hjartað mitt.


4. Bruce Springsteen - The River

Allar framtíðarvonirnar horfnar og ekkert eftir nema aumt lífið sem þú lentir óvart í að lifa. Skelfilega átakanlegt allt saman.


3. Nick Drake - Black Eyed Dog

Sú túlkun sem ég hef oftast heyrt á þessu lagi er sú að þarna sé svarteygði hundurinn þunglyndið sem Drake þjáðist af og dró hann til dauða skömmu eftir að þetta lag var tekið upp. Heath Ledger (sem var mikill Nick Drake aðdáandi) tók víst upp sitt eigið myndband við þetta lag skömmu áður en hann dó. Eery og sorglegt? You bet.


2. Eric Clapton - Tears In Heaven

Samið eftir að fjögurra ára sonur Claptons féll út um glugga af fimmtugustu og þriðju hæð og lést. Ég get ekki ímyndað mér neitt sorglegra.


1. Sufjan Stevens - Casimir Pulaski Day

Ég veit, ég veit, ég veit! Ég er búin að setja þetta lag svona sjötíu sinnum á lista en ef það á einhverntíma vel við þá er það núna. Ég er búin að hlusta á það óteljandi sinnum, syngja það og spila á gítarinn næstum jafn oft og samt verð ég alltaf sorgmædd þegar ég heyri það. Alltaf alltaf í hvert einasta sinn. Mér er alveg illt í hjartanu núna sko.