Topp fimm á föstudegi - Vignir

5. Metallica - ...And Justice for All
Justice er búin að fá nokkuð mikla spilun hjá mér upp á síðkastið þannig að titillagið fær að fljóta hér með.

4. Reykjavík! - You Always Kill
Ballaða frá Reykjavíkur!strákunum. Mig langar á tónleika! Viltu koma memm?

3 MGMT - Kids
MGMT eiga klárlega eina hressustu plötu ársins og þetta lagið er alveg frábært lag. Mjaðmirnar fara á hreyfingu og maður hlakkar til kvöldsins.

2. Grizzly Bear - Two Weeks
Grizzly Bear fara vonandi bráðum að gefa út næstu plötu sína því það sem þeir eru búnir að leyfa okkur að heyra er einfaldlega svo bilaðslega geðsjúklega klikkaðslega gott að maður verður að grípa til lýsingarorða tengdum geðsjúkdómum til að lýsa því. While You Wait for the Others er besta lag sem ég hef heyrt á árinu og hef ég rætt það áður. Þetta lag er engu síðra. Það er tekið upp í þætti David Letterman en gæðin stöðva það ekki frá því að færa mann yfir í heim bjarnarins. Christopher Bear er virkilega spennandi trommari sem djassar þetta pínu upp.

1. The Dodos - Ashley
Dodos platan er í miklu uppáhaldi þessa daga og þetta lag er uppáhalds nákvæmlega núna. Trommuleikurinn á þessu lagi er algerlega til fyrirmyndar.

Skráargeymslan er með leiðindi við mig þannig að mp3 kemur seinna

Topp 5 á föstudegi - Kristín Gróa

Það sem er á repeat hjá mér þennan föstudaginn sem og síðustu daga er:


5. Deer Tick - Art Isn't Real (City Of Sin)

Þetta er reyndar búið að fá ansi mikla spilun síðustu mánuðina en það gildir einu.


4. Fleetwood Mac - Angel

Það er yfirleitt eitt Fleetwood Mac lag í uppáhaldi og núna er það þetta.


3. Beck - Gamma Ray

Þetta er lagið sem greip mig strax af nýju plötunni og ég spila það í tíma og ótíma.


2. Lykke Li - Dance, Dance, Dance

Það er æðislegt að hlusta á þetta lag þegar ég er að búa mig undir bæjarferð, komin í kjól og með kokkteil í hendi. Mjög stelpulegt lag en það er bara betra!


1. The Felice Brothers - Roll On Arte

Ég las fyrst um The Felice Brothers hjá krökkunum í Breiðholti. Hlustaði ekkert rosalega mikið þá en enduruppgötvaði þetta lag svo um daginn og hef verið að hlusta stanslaust á það síðan. Æðislegt.

Nýtt frá Kings of Leon

Framtíðareiginmennirnir hennar Kristínar Gróu í Kings of Leon voru að láta heyra nýtt í sér fyrir stuttu en þeir eru að fara að gefa út nýja plötu, Only By the Night, í september.

Fyrsta lagið af plötunni ber nafnið Crawl og er alveg hresst en ég er ekki alveg viss með það ennþá en það breytir því ekki að ég er alveg áfram spenntur fyrir plötunni.

Njótið. Friður úti.

Kings of Leon - Crawl

Trekantur: voff voff...

Stooges, Slayer og bob hund gelta hver með sínum kjafti...

The Stooges - I Wanna Be Your Dog


So messed up I want you here
In my room I want you here
Now were gonna be face-to-face
And Ill lay right down in my favorite place

And now I wanna be your dog
Now I wanna be your dog
Now I wanna be your dog
Well cmon
...

Slayer - I'm Gonna Be Your God


I'm all jacked up, I want you here
In my room I want you dear
And now it's time to bury my face
Between your legs with my tongue in that special place

Now I'm gonna be your God
Now I'm gonna be your God
I'm gonna be your God
...
bob hund - din hund


Jag är så utflippad jag vill ha dig här
På mitt rum jag vill ha dig där
Nu skall det bara vara jag och du
På min favoritplats ligger jag nu
Nu så vill jag vara din hund
Nu så vill jag vara din hund
Nu så vill jag vara din hund
Kom igen!
...

I Wanna Be Your Dog
I'm Gonna Be Your God
din hund

Topp 5 verstu plötucover

Aftur ákvað ég að takmarka ég mig við plötur sem ég á uppi í hillu en mér til mikillar undrunar var ekkert mikið af skelfilegum coverum. Þá er bara spurningin hvort ég dæmi albúm eftir coverinu (sem getur ekki verið æskilegt) eða hvort ég fíla bara smekklega tónlistarmenn. Ég veit ekki en þetta er það versta sem ég gat fundið:


5. Dire Straits - Brothers In Arms

Brothers In Arms er að mörgu leyti söguleg plata enda ein af fyrstu plötunum til að vera gefin út á geisladiski. Ekki nóg með það heldur er þetta fyrsta platan sem var seld í yfir milljón eintökum á geisladiski og þar með fyrsta platan sem seldist meira af á geisladiski en á vínyl. Söguleg útgáfa og sögulega hallærislegt cover. Ætli fólk myndi vanda sig meira ef það vissi fyrirfram að plöturnar þeirra yrðu á einhvern hátt ógleymanlegar? Það er kalhæðnislegt að Knopfler skuli í laginu One World syngja Can't get no sleeves for my records... well obviously.

Dire Straits - So Far Away From Me


4. The Jimi Hendrix Experience - Electric Ladyland

Ókei það er ekki það að ég sé tepra (sjá toppsæti síðasta lista sem sönnunargagn) heldur finnst mér þetta bara svooo kjánalegt að ég gæti öskrað. Þrátt fyrir það finnst mér fáránlegt að nú er platan ekki seld með þessu coveri heldur með boring coveri af Hendrix að geifla sig. Hvað er með Bandaríkjamenn og nektarhræðsluna? Seriously ef fólk er nógu fullorðið til þess að hafa vit á því að hlusta á Jimi Hendrix þá held ég að það höndli nokkur brjóst.

The Jimi Hendrix Experience - Have You Ever Been (To Electric Ladyland)


3. Queens Of The Stone Age - Era Vulgaris

Ég held ég hafi aldrei þurft að pína mig jafn mikið til að kaupa plötu því coverið var svo ótrúlega fráhrindandi.

Queens Of The Stone Age - Sick, Sick, Sick


2. The Beach Boys - Pet Sounds

Þetta er bara svo furðulegt. Af hverju eru þeir að gefa geitum að borða? Var einhver snillingur sem hugsaði Pet Sounds... geitur eru næstum gæludýr... ég VEIT! Það er eiginlega alveg fáránlegt að ein besta og umtalaðasta plata allra tíma skuli vera með coveri sem virðist hafa verið skellt á á síðustu stundu.

The Beach Boys - I'm Waiting For The Day



1. The Flying Burrito Brothers - The Gilded Palace Of Sin/Burrito Deluxe

Ástæðan fyrir að ég tel upp báðar þessar plötur er einfaldlega sú að diskurinn sem ég á inniheldur þær báðar. Það skiptir þó ekki máli því ég veit eiginlega ekki hvort coverið er verra og til að kóróna það þá er búið að splæsa þeim saman á disknum sem ég á... like so:

Nei en í alvöru, við höfum annarsvegar þá standandi geðveikt vandræðalega í fáránlega ofskreyttum rhinestone fötum og hins vegar tvær sjúskaðar burritos (með rhinestones! að sjálfsögðu!) og þá svona litla til hliðar að gera TADA!

The Flying Burrito Brothers - Dark End Of The Street

topp 5 sérstök plötualbúm...

Hér eru fimm frekar sérstök plötualbúm...

Sabotage - Black Sabbath


Afar skondið albúm, sérstaklega rauðu gammósíurnar við leðurjakkann, flippið er samt endurspeglunin í bronsspeglinum.
Hole in the Sky

Afar góðir gestir - AfabandiÐ

... plús fyrir orðaleikinn og stóða Ð-ið.
Draumur fangans

It's Hard - The Who


Önnur platan eftir dauða Keith Moon og síðasta plata John Entwistle, eitís lúkk og vísun í fyrri verk, bandið ekki upp á sitt besta...

'Get Yer Ya-Ya's Out!' - The Rolling Stones in Concert

Charlie Watts og asni með trommusett og gítar! flipp...
Jumping Jack Flash

American Stars 'n Bars - Neil Young


Albúmið var hannað af vini Young, leikaranum Dean Stockwell... kanadískt viskí, drukkinn kvenmaður og hetjan dauð á gólfinu...
Like a Hurricane

Woodhands

Montréalska hljómsveitin Woodhands gaf út plötuna Heart Attack í vor án þess að ég tæki eftir því eða vissi yfirhöfuð af tilveru sveitarinnar. Þetta er fyrsta platan þeirra og samanstendur af nokkuð frambærilegum elektrórokklögum. Ég er ekkert lömuð af hrifningu en ég veit ekki alveg hvort það er af því þessi tegund af tónlist þarf að vera virkilega góð til að kveikja í mér eða af því að hún er ekki nógu góð til að kveikja almennilega í neinum. Sagan segir að þeir séu dýnamít live en ég sel það ekki dýrara en ég keypti það. Þó ég virki kannski pínuponsu neikvæð gagnvart þeim þá verð ég samt að segja að lagið Be Back Soon er ferlega skemmtilegt og ég mæli með að þið hlustið á það. Plötufyrirtækið þeirra lýsir svo laginu I Wasn't Made For Fighting sem "club anthem" og þó ég viti ekki hvort sú yfirlýsing sé byggð á staðreynd eða óskhyggju þá get ég alveg gúdderað að það sé ágætislag. Ég myndi samt ekki vilja vera á skemmtistað þar sem svoleiðis lag er spilað eða nokkrir club anthems yfirhöfuð svo kannski er ég alls ekki hæf um að dæma þetta. Dæmið bara sjálf.

Woodhands - Be Back Soon
Woodhands - I Wasn't Made For Fighting

Woodhands á MySpace