Topp 5 geimlög - Kristín Gróa

5. Marc Bolan - Spaceball Ricochet (live)

Akústik glamrokk.


4. Blur - Strange News From Another Star

Smá doom and gloom.


3. Pixies - Space (I Believe In)

Kannski meira verið að tala um rými en geiminn en þetta er bara svo töff lag. Jeffrey with one F... Jeffrey! Jeffrey with one F... Jeffrey!


2. A Space Boy Dream - Belle & Sebastian

Ó-Belle & Sebastian-legasta lag sem Belle & Sebastian hafa flutt. Ég lofa. Það er fáránlega svalt og súrt og ekkert krúttulegt!


1. David Bowie - Space Oddity

Já algjörlega fyrirsjáanlegt val en ég get ekki hunsað það. Þetta lag hljómar bara eins og geimurinn... ég get ekki útskýrt það en mér finnst ég heyra í víðáttunni og kyrrðin er áþreifanleg. Örvæntingin þegar allt fer úrskeiðis er síðan svo áþreifanleg að ég fæ smá hnút í magann og vona alltaf að eitthvað komi Major Tom til bjargar.

Topp 5 instrumental lög - Kristín Gróa

5. Pixies - Cecilia Ann

Smá surf frá Pixies.


4. Herb Alpert & The Tijuana Brass - Taste Of Honey

Þetta er held ég mesta pick-me-up lag ever. Það er einfaldlega ekki hægt annað en að dilla sér og brosa þegar þetta er að spilast... gaman!


3. The Shadows - Apache

Þetta er svo töff lag! Það spilar enginn á gítar eins og Hank Marvin og þetta klassíska lag er gott dæmi um það hvað hann getur gert.


2. Booker T & The MG's - Green Onions

Annað óendanlega töff lag sem verður aldrei þreytt.


1. Fleetwood Mac - Albatross

Sorrí ég veit að þetta er fyrirsjáanlegt val en þetta er að mínu mati besta instrumental lag ever og það hreyfir við mér í hvert skipti sem ég hlusta á það.

topp 5 instrómentallög - zvenni

orð um orð orð um orð orð um orð
um orð um orð um orð um orð um
orð um orð um orð um orð um u
morð u morð u morð u morð u morð

orð er þriggja stafa morð

Ísak Harðarson


Cecile Ann - Pixies



Den ensamme sjömannens födelsedag - bob hund



Peaches En Regalia - Frank Zappa



Bourée - Jethro Tull



Russian Dance - Tom Waits

Topp 5 lög til að elda við - Kristín Gróa

Ahh svo hressandi að gera listann algjörlega á síðustu stundu, bæði hvað varðar deadline og flugáætlun! Úff here goes:

5. Pixies - The Sad Punk

Einkennislagið mitt? Tjah það er spurning en ég veit allavega að þar sem græjurnar eru inni í stofu en ég inni í eldhúsi með viftuna í gangi þá þarf tónlistin bæði að vera hátt stillt og hávær að eðlisfari til að ég heyri eitthvað.

4. Nick Drake - Hazy Jane II

Þegar ég er að halda matarboð á laugardagskvöldi á ég það til að undirbúa mig fyrr um daginn í rólegheitunum, saxa og rífa svo allt verði tilbúið þegar alvöru eldamennskan hefst. Ef það er til betri laugardagseftirmiðdagstónlist en Nick Drake þá hef ég ekki heyrt hana.

3. Bow Wow Wow - I Want Candy

Þetta er bara svo kjánalega hresst og skemmtilegt. Fullkomið til að hlusta á þegar ég er að halda matarboð og er komin á það stig að þurfa að elda, mála mig og drekka bjór í einu... í catsuitinu.

2. The Shins - Know Your Onion!

Þó textinn sé alveg skelfilega vel við hæfi þá er staðreyndin líka sú að ég hlusta mjög oft á Shins þegar ég elda.

1. The Beatles - Savoy Truffle

Mmmm að hlusta á textann er nú nóg til að fá munnvatnið af stað en svo er þetta líka bara svo hresst! Já!

Topp 5 nostalgíulög - Kristín Gróa

5. Blur - Yuko & Hiro

Lag af hinni vanmetnu plötu The Great Escape sem ég gleypti í mig á unglingsárunum, nýbúin að uppgötva Blur og yfir mig ástfangin af Damon Albarn. Þetta var fyrsta lagið sem ég pikkaði sjálf upp á píanóinu og ég spilaði það svo oft að mér finnst ég vera aftur fjórtán þegar ég heyri þetta.


4. Pixies - U-Mass

Ég var í hljómsveit á framhaldsskólaárunum og við komum einu sinni fram á kaffihúsakvöldi í skólanum. Ég sá um að lemja kúabjölluna í þessu lagi og fannst ég standa mig nokkuð vel. Það var ekki fyrr en eftir á að einhver sagði mér að ég hefði staðið á bak við sviðstjaldið og það eina sem sást var kúabjallan og einhver dularfull hendi sem sló á hana. Ég fæ enn smá kjánahroll þegar ég heyri þetta lag.


3. Desmond Dekker - The Israelites

Ég á svo ótrúlega sterka minningu um þetta lag frá Glastonbury 2005. Ég og Krissa vorum að þvælast um markaðssvæðið, hundleiðar á því að vaða drulluna upp að hnjám þegar við ákváðum að skoða inn í einn básinn. Um leið og við stigum inn byrjaði þetta lag að spilast og innan skamms voru allir í búðinni farnir að dilla sér og brosa til hvors annars. Ég man ég hugsaði "ég er á fokking glastonbury... hverjum er ekki sama um smá drullu?".


2. Neil Young - Only Love Can Break Your Heart

Minnir mig á háskólaárin og þá sérstaklega þegar ég var að læra undir tölfræðipróf heima hjá bróður mínum og setti After The Goldrush af rælni í spilarann til að reyna að lina þjáningarnar. Ég hef verið heltekin af Neil Young síðan.


1. Nouvelle Vague - Too Drunk To Fuck

Ég bakka um sirka þrjú ár í hvert skipti sem ég heyri þetta lag. Ég og Krissa vorum alltaf á gömlu Freyjunni fyrir djamm (sem var frekar oft) og áður en við fórum út var skylda að hlusta á þetta og Pornography með Client. Rosalega margar margarítur og rosalega mikið af góðri tónlist... þetta var æðislegur tími.