Sumarið er tíminn...

Af því það er búin að vera svo mikil sól og við erum öll komin í sumarskap þá stungum við einum lista framfyrir alla hina. Í dag ætlum við þess vegna að lista upp sumarlög... stay tuned!

Topp fimm tilkynnir uppgjör ársins 2008!

Jæja gott fólk. Eftir miklar vangaveltur höfum við ákveðið að kýla á árslista toppfimm eigi síðar en strax. Við höldum okkur við okkar vanalegu skorður svo hver og einn mun aðeins birta lista yfir fimm bestu lög ársins og fimm bestu plötur ársins... eins fáránlega erfitt og það hljómar. Næsta föstudag teljum við upp lög ársins, á annan í jólum verður toppfimm frí, 2. janúar birtum við plötur ársins og 9. janúar svörum við fimm spurningum til að summera upp árið. Já!

Árni slæst í hópinn

Það er víst ekki seinna vænna að tilkynna það að toppfimm hefur borist liðsauki! Frá og með morgundeginum mun góðvinur okkar og samglastofari (þeir sem skilja þetta orð fá prik) Árni bætast í hóp reglulegra toppfimmara og birta með okkur lista á föstudögum. Árni er kennari með meiru svo það er við hæfi að fyrsti listinn sem hann tekur þátt í er einmitt listi yfir kennslulög. Velkominn Árni!

Páskar

Vegna fjarveru, anna og annarra hvimleiðra ástæðna ætlum við á toppfimm að taka okkur páskafrí. Föstudagurinn langi verður því listalaus en við komum tvíefld til baka þarnæsta föstudag og tæklum þá veðurguðina eins og ekkert sé.

Sem sárabót er hérna eina lagið sem kemur upp í helvítis iTunes þegar ég filtera á "easter" (tjah fyrir utan Russian Easter Festival Overture eftir rússneska tónskáldið Rimsky-Korsakov en einhvernveginn efast ég um að þið hafið áhuga á því þó það sé reyndar mjög fallegt). Það vill svo skemmtilega til að lagið er með stúlku sem allir eru að blogga um svo við slysumst til að vera með puttann á púlsinum. Mér finnst hún reyndar ekkert spes en endilega dæmið um það sjálf.

Emmy The Great - Easter Parade

Topp 5 á leið í útvarpið

Það er allt að gerast hérna í topp fimm herbúðunum. Frá og með morgundeginum munum við hefja samstarf við Útvarpsþáttinn Frank á X-inu. Planið er að velja einn af listum föstudagsins sem umsjónarmaður þáttarins kemur svo til með að spila í þætti vikunnar. Útvarpsþátturinn Frank er í loftinu alla sunnudaga milli 14 og 17. Gaman!

Regina Spektor - On The Radio af Begin To Hope
George Harrison - Devil's Radio af Cloud Nine

Útvarpsþátturinn Frank

Tónlistargrúskarar athugið...

Við lýsum eftir gestalistamönnum! Þið sjáið kannski að hér til hægri er búið að bæta við svæðinu Næstu listar en pælingin er að ákveða og auglýsa komandi lista nokkuð fyrr en við höfum verið að gera. Ef þið sjáið lista sem ykkur líst vel á þá er um að gera að hafa samband og fá að vera með einn föstudag.

Það sem okkur þætti þó sérstaklega skemmtilegt væri að fá góðar hugmyndir að topp 5 listum. Ef þú ert með frábæra hugmynd að lista þá er um að gera að senda hana á okkur á toppfimmafostudegi(hja)gmail.com og vera svo gestatoppfimmari þegar við tökum listann fyrir!

Eels - Guest list