Topp 5 sumarlög - Georg Atli

Sumarið er tíminn og þessi lög minna mig alltaf á sumarið.

5. Beck -Golden Age

Þegar ég bjó í danmörku átti ég að mæta í vinnuna klukkan 6 á mánudagsmorgnum, eins og sönnum baunverja þá hjólaði ég í vinnuna og þurfti þess vegna að leggja af stað heiman frá mér kl. 5:20 í síðasta lagi. Þá hlustaði ég alltaf á plötuna Sea Change (sem er uppáhalds Beck platan mín) af því það var eitthvað svo við gott að hlusta á hana þegar maður hjólar í gegnum Köben og sólin er að koma upp og enginn annar er á ferli... nema strætó... og einstaka fyllibytta á leiðinni heim til sín.

4. Dick Dale & His Deltones - California Sun

Mér finnst surfer rokk vera mjög sumarlegt og Dick Dale er einn af þeim bestu í surfer rokkinu.

3. Jack Johnson - Wasting Time

Ég "fann" þennan þegar ég var á bakpokaferðalagi um Asíu, aldrei heyrt í honum áður. Þetta er svo sem ekkert rosalega merkileg tónlist en það er bara eitthvað þægilegt við hann. Þetta er svona næstum því guilty pleasure hjá mér... ég er leyni Jack Johnson aðdáandi. Fíl'etta.

...og svo er maður líka mikið að hanga og "wasting time" á sumrin.

2. The Trashmen - Surfin' Bird

Þetta er toppurinn á surferrokki, ótrúlega skemmtilegt lag sem er sett saman úr tveimur smellum frá hljómsveitinni The Rivingtons (og hver man ekki eftir The Rivingtons?) frá 1963, Birds the Word og Papa Oom Mow Mow.

1. Bebel Gilberto - Bananeira

Ég held að Bebel Gilberto sé sumarið.

Topp 5 sumarlög - Kristín Gróa

5. Eels - Mr. E's Beautiful Blues

God damn right, it's a beautiful day.

4. Bobby Vinton - Yellow Polka Dot Bikini

Svo sumarlegt en um leið kjánalegt... instant feelgood lag!

3. Jens Lekman - A Sweet Summer's Night On Hammer Hill

Ahh svo líflegt og skemmtilegt.

2. Lovin' Spoonful - Coconut Grove

Þetta lag minnir mig á heita, rólega og "hazy" sumardaga þar sem maður gerir ekki neitt annað en að liggja í sólinni. Rólegt og afslappandi.

1. Celia Cruz - Guantanamera

Ég held ég hafi aldrei upplifað neitt sumarlegra en að vera á labbi í Mission hverfinu í San Francisco og ganga beint fram á sex mexíkóska gaura á götuhorni að syngja og spila Guantanamera í sólskininu. Það var svo gaman hjá þeim og vegfarendur dönsuðu og sungu með. Æði!

Topp 5 Sumarlög - Erla Þóra

Sól sól skín á mig... sérstaklega undanfarna daga! Vindum okkur þá í sumarlögin.

5. Alice Cooper - School's Out
Hjá mér byrjar sumarið þegar skólinn er búinn. Það er oft crappy veður þá (sbr. snjókomuna sem var daginn sem seinasta prófið mitt var þessa önnina) en það verður bara að hafa það. Sumarið er bara samt komið!

4. Martha and the Vandellas - Heatwave

Pant fá hitabylgju í sumar!

3. The Kinks - Sunny Afternoon

Þetta lag er perfect þegar maður liggur út á palli í sólinni, eða kannski bara í pottinum, með sólgleraugu á nefinu, bók í annarri og svaladrykk í hinni... ahhh...

2. Jimmy Cliff - I Can See Clearly Now

Það hefur verið samasem-merki milli þessa lags og sumars hjá mér síðan ca. 1996. Þetta var á einhverjum summer-mix-diski sem systir mín góð átti og þetta er bara svo mikið sumar!

1. Beach Boys - Wouldn't it be Nice

Sumar sumar sumar!

Sumarið er tíminn...

Af því það er búin að vera svo mikil sól og við erum öll komin í sumarskap þá stungum við einum lista framfyrir alla hina. Í dag ætlum við þess vegna að lista upp sumarlög... stay tuned!

Sumar sumar - Koop og Yila

Ég veit ekki afhverju svíarnir í Koop hafa farið svona algjörlega framhjá mér en um daginn heyrði ég lag með þeim á notuðu-fata-búðar-myspace-i hérna og daginn eftir heyrði ég sama lagið í bókabúð. Þetta var, nota bene, þegar hér var ennþá skítakuldi og rok og því engan veginn við hæfi þar sem mér finnst þetta meira vera sumartónlist par excellence.

Í dag rölti ég svo út í búð í pilsi, stuttermabol og flip flops...og varð ALLTOF heitt! Það þykir mér ótvíræð sönnun þess að sumarið er komið og tel því við hæfi að skella inn smá sumardóti. Núna er nefnilega tilvalið að hlusta aðeins á þessu hressu dúdda!

Við sjáum myndband...



Koop - Koop Island Blues [mp3]
Koop (feat. Yukimi Nagano) - Summer Sun [mp3]
Koop - Come to Me [mp3]
Koop á myspace

Svo er þetta lag líka búið að koma ansi oft upp hjá mér undanfarið en ég get bara engan veginn munað hvar ég fékk það, hvenær eða hvernig! Hvað er það? Ég semsagt veit alltof lítið annað en það að skemmtilegt og breskt er það :)

Ooog annað myndband...



Yila (feat. Scroobius Pip) - Astronaut [mp3]
Yila.co.uk

Blogged with the Flock Browser