The Black Keys

Jæja þá er ég (því miður) komin heim frá Montréal þar sem ég heimsótti tvo fimmtu hluta topp fimm veldisins. Borgin, veðrið, maturinn, tónlistin og síðast en ekki síst gestgjafarnir voru yndisleg og mig langaði bara ekkert að fara heim eftir aðeins viku. Við afrekuðum að fara á frábæra tónleika með The Kills sem voru yfirburða svöl eins og við var að búast. Við íhuguðum að fara að sjá Foals en vorum óviss og löt svo við köstuðum upp á það og peningurinn sagði rólegheit en ekki rokk. C'est la vie.


Ég sleppti mér ekkert í tónlistarkaupunum en náði þó að versla smá bunka af diskum. Ég hef ekkert náð að hlusta á þá að ráði en ég setti þó nýja Black Keys diskinn í græjurnar um helgina og hann hefur fengið að rúlla nokkrum sinnum þar sem ég hef ekki nennt að skipta um disk (hvað get ég sagt... ég er löt). Það er skemmst frá því að segja að þessi plata venst hratt og vel og ég er mjög hrifin af henni. Ég hef reyndar alltaf verið veik fyrir blús þeirra félaga en mér finnst þessi fimmta plata þeirra vera nokkuð melódískari og fallegri en fyrri plötur sem er bara jákvætt. Það má nú samt segja að miðað við að þessi plata hafi byrjað sem samstarf við Ike Turner og að hún er pródúseruð af Danger Mouse þá sé stefnubreytingin mun minni en maður hefði haldið. Ég mæli hiklaust með þessari.

The Black Keys - Strange Times af Attack & Release
The Black Keys - Things Ain't Like They Used To Be af Attack & Release
The Black Keys - Hard Row af Thickfreakness (gamalt æði!)

topp 5 þáttalög - zvenni

Löggu- og glæpaþættir

Á margar sjónvarpsminningar úr æsku sem tengjast löggæslu á einhvern hátt. Þættir um fólk sem leysti glæpi og ráðgátur heilluðu mig. Það gilti einu hvort um væri að ræða löggur, lögmenn, rithöfunda eða þúsundþjalasmiði, það sem skipti máli var að þau hefðu sterka réttlætiskennd og samúð með smælingjanum.

MacGywer

Sá ekki marga MacGywer þætti í æsku en man bara hvað mig langaði að vera svona gaur sem getur bjargað sér úr hvaða klípu sem er með hverju sem er. Flísatöng, tíkall, smáspotti og bakgrunnur í vísindum og ekkert er í veginum.


Morðgátan

(eða "Mord ist ihr Hobby á þýsku)
Hresst og halló intró lag, soldið eins og glæparithöfundurinn Jessica Fletcher.


Matlock

Hafði mjög gaman af Matlock, eins og Morðgátan var Matlock sona fjölskyldusakamálaþáttur, þó fólk slæmir hlutir gerðust þá var ekkert of grafískt í gangi og ekki mikil raunveruleg illska.

Derrick

"Mein Name ist Derrick"

Derrick og Harry Klein voru hetjur mínar. Lagið situr fast minningunni, gott og einkennandi fyrir þættina. Hasar í upphafi sem setur atburðarásina af stað en svo taka ígrunduð rólegheit við er Derrick mætir á svæðið, tekur sér sinn tíma og meltir málið. Harry sveiflar byssunni aðeins en svo róar Derrick allt niður á ný með lausn á málinu. Fín formúla.

Taggart

Það var heilög stund í stofunni er Taggart var í sjónvarpinu, undarlegt hvað þessi úrilli (and)skoti hafði mikinn sjarma, bölvandi samstarfsfólki sínu og í raun öllu í kring um sig.

Lagið í þáttunum sat í mér, er eiginlega bara nokk gott. Sungið af Maggie Bell sem ég kann engin deili á en fjallar um glæpaborgina Glasgow sem hún segir þó ekki svo slæma.

Hrói kallar...

Topp 5 ákvað að vera ögn skipulagðari þetta sumarið og ætlar því að gera tvo hópa út af örkinni í leit að áhugaverðri músík en annar fer til Danmerkur og hinn til Englands.
Þetta verður allt síðan samræmt og fjarstýrt úr bækistöðvum á 101 og komið á vefinn.

Undirritaður tilheyrir baunahópnum og til að hita upp birtast nokkur tóndæmi með listamönnum sem verða á Hróarskeldu í sumar.

Battles - Atlas


Grinderman - No Pussy Blues


Radiohead - Idioteque


Bonnie Prince Billy - I See a Darkness

Topp 5 lög til að elda við - Vignir

Að elda mat er góð skemmtun. Og góðri skemmtun fylgir góð tónlist. Þegar ég elda vil ég hafa skemmtilega tónlist sem hægt er að hreyfa líkamann við því það er ekki hægt að gera salsa sósu nema kokkurinn dansi með.

5. Of Montreal - She's a Rejector
Hissing Fauna er frábær plata til að dansa við og elda við. Maður hreinsar úr sér existential vandræði, hommast aðeins upp og fær gott glam beint í æð. Matargerð við svona tónlist verður alltaf tilfinningarík og ekki kæmi á óvart ef að útkoman væri ekki gott og létt salat.

4. Man Man - Mister Jung Stuffed
Man Man eru rosa góðir í að fá mann til að hreyfa sig og eru mjög skemmtilegir við eldamennsku. Athyglisbresturinn og geðveikin skila sér í matargerðina og maður skiptir oft um skoðun, prófar nýja hluti og reynir að hafa eins mikið með og mögulegt er. Uppistaðan hér gæti t.d. verið Billy Madison kjúklingasalatið sem varð til hér í Montréal í seinustu viku: Ávaxtalegt salat með fjólubláum kjúkling (Well, I made the duck blue because I'd never seen a blue duck before and I wanted to see one). That's quacktastic!

3. Metallica - Blackened
Metall hentar alveg vel í matargerð og sérstaklega ef maður er einn heima að elda. ...And Justice For All hentar rosalega vel í þetta. Bannað að elda í öðru en gallabuxum og bol. Útkoman hér verður hamborgari steiktur upp úr bjór.

2. Daft Punk - The Prime Time of Your Life / The Brainwasher / Rollin' & Scratchin' / Alive
Það er ekki hægt að klikka með Daft Punk. Ef maður vill hafa eitthvað sem heldur manni við efnið þá er Alive platan ekki að fara að svíkja neinn. Ef maður væri með þetta í gangi myndi maður gera eitthvað snöggt, einfalt, flott og stílhreint eins og nýtt lobby í flottu hóteli. Maður gerir örugglega eitthvað með japönskum áhrifum, marinerar eitthvað upp úr teriyaki, soya sósu og sesamfræjum.

1. Red Hot Chilli Peppers - Throw Away Your Television (Live at Slane Castle)
Það var þannig á tímabili á seinustu dögum mínum í Breiðholtinu að eina leiðin til að hafa einhverja tónlist með þegar maður var að elda var að taka fartölvuna með inn í eldhús og láta hana vera græjurnar. Ég er alltaf með tónlistina mína á flakkara og átti því ekkert til að hlusta á. Ég var hins vegar með þessa tónleika piprana á DVD og setti það oft á. Áður en ég horfði á þessa tónleika var ég ekki voða hrifinn af RHCP en eftir þetta seldist ég alveg og sá að þeir virka greinilega langbest á tónleikum. Þar fá allir að njóta sín sem best og fer John Frusciante alveg á kostum á þessum tónleikum og gefur hverju lagi nýja hlið. Ef maður eldar með þetta undir endar maður alltaf í einhverju suður-amerísku með guacamole til hliðar.

Topp 5 lög til að elda við - Gummi Jóh

Gestalistamaður vikunnar er ofurbloggarinn og tónlistaráhugamaðurinn Gummi Jóh! Gefum honum orðið:

Einhverra hluta vegna á ég playlista sem ég spila alltaf þegar ég er að strauja skyrturnar mína og elda mat. Lögin eiga það öll sameiginlegt að vera hress og með góðu bíti, enda þarf maður að hafa eitthvað til að humma þegar maður er að skera niður sveppina. Eitt lagið er þó rólegt en það er bara svo afspyrnufalleg live útgáfa að það er ekki annað hægt en að leyfa því að fljóta með.

Playlistinn er frekar stór og því tók ég lögin sem eru mest spiluð á honum :

1. Heikki - Former Hero

Sænsk / Finnski dúettinn sem engin virðist fíla, ekki einu sinni internetið. Ég varð þó dolfallinn fyrir þessu lagi og í kjölfarið gróf ég upp plötuna Heikki 2 sem er eyrnakonfekt.

2. E.L.O - Evil Woman

E.L.O er hljómsveitin sem engin þorir að viðurkenna að fíla. Það er synd því Jeff Lynne og félagar kunna að gera tónlist. Evil Woman er líka lagið sem ég hlusta á þegar ég set á mig slifsið með fyrsta bjórnum á föstudagskvöldi. Þetta er 100% fílingur.

3. Belle & Sebastian - Slow Graffiti (Live)

Árið er 1999 og Belle & Sebastian halda sína eigin tónleikahátíð sem þeir kalla Bowlie Weekender sem seinna varð að hátíðinni All tomorrows parties. Belle & Sebastian taka hér lagið Slow Graffiti sem er eitt fallegasta lagið þeirra í mínum huga. Stuart svo fáránlega brothættur en alltaf skín í gegn hvað hann er með þetta allt á hreinu.

4. Devo - Gut Feeling

Mark Motherbaugh og félagar í Devo hafa hér búið til hið fullkomna lag til að hlaupa við. Þeir sem mögulega halda því fram að Eye of the Tiger eða álíka pepp lög séu það hafa augljóslega ekki hlaupið við Gut Feeling. Ef maður er að falla á tíma, fólkið sem var boðið í mat er að detta í hús og ekkert að verða tilbúið skal setja þetta lag á. Þá reddast allt.

5. The Fall - Lost in Music

Eitt furðulegasta cover sem maður getur fundið sem samt svo flott. Mark E. Smith að taka Sister Sledge og gera það að sínu. Gítar riffið er eins og gott rauðvín, flauelismjúkt.

Topp 5 lög til að elda við - Kristín Gróa

Ahh svo hressandi að gera listann algjörlega á síðustu stundu, bæði hvað varðar deadline og flugáætlun! Úff here goes:

5. Pixies - The Sad Punk

Einkennislagið mitt? Tjah það er spurning en ég veit allavega að þar sem græjurnar eru inni í stofu en ég inni í eldhúsi með viftuna í gangi þá þarf tónlistin bæði að vera hátt stillt og hávær að eðlisfari til að ég heyri eitthvað.

4. Nick Drake - Hazy Jane II

Þegar ég er að halda matarboð á laugardagskvöldi á ég það til að undirbúa mig fyrr um daginn í rólegheitunum, saxa og rífa svo allt verði tilbúið þegar alvöru eldamennskan hefst. Ef það er til betri laugardagseftirmiðdagstónlist en Nick Drake þá hef ég ekki heyrt hana.

3. Bow Wow Wow - I Want Candy

Þetta er bara svo kjánalega hresst og skemmtilegt. Fullkomið til að hlusta á þegar ég er að halda matarboð og er komin á það stig að þurfa að elda, mála mig og drekka bjór í einu... í catsuitinu.

2. The Shins - Know Your Onion!

Þó textinn sé alveg skelfilega vel við hæfi þá er staðreyndin líka sú að ég hlusta mjög oft á Shins þegar ég elda.

1. The Beatles - Savoy Truffle

Mmmm að hlusta á textann er nú nóg til að fá munnvatnið af stað en svo er þetta líka bara svo hresst! Já!

Næsti listi...

Það er kannski fullseint að tilkynna það núna en á morgun ætlum við að telja upp topp 5 lög til að elda við! Í tilefni af því sjáum við myndbrot:



Í síðustu viku sögðum við að sjálfur Gummi Jóh ætlaði að vera gestalistamaður en vegna óviðráðanlegra orsaka varð ekkert af því. Við erum samt í raun bara heppinn að það klikkaði því hann ætlar að vera með núna í staðinn! Spennó.

Annars er ég persónulega svo spennt fyrir morgundeginum því ég er að fara alla leið til Kanada að hitta útsendara topp fimm á föstudegi í Montréal. Elsku Krissan mín og Vignirinn minn eru bara rúman sólarhring í burtu!