Topp fimm R.E.M. IX. lagið listinn hans Árna

R.E.M. - Hair Shirt

Daginn fyrir kosningu Bandaríkjaforseta árið 1988 þar sem Bush hinn eldri sigraði Dukakis gáfu R.E.M. verjar út plötuna Green.


R.E.M. - Texarkana

Lagið tilheyrir plötunni Out of time sem breytti R.E.M. úr költ bandi í alþjóðlegt undur. Stórsmellurinn Losing my religion varð stærsti smellur bandsins en Texarkana er bráðsmellið lag.


R.E.M. - Star Me Kitten

Laginu bregður fyrir á Automatic for the people sem fylgdi í kjölfarið á Out of time og telur Bono þessa plötu vera bestu kántrí afurð sem til er.


R.E.M. - I Took Your Name

Lag af plötunni Monster en sú ber nafn með rentu því það gekk vægast sagt á ýmsu við gerð hennar. R.E.M. liðar lögðu upp laupana á ákveðnum tímapunkti en sættust aftur, Stipe missti tvo vini sína, Cobain og River Phoenix. Er eitt laganna um Kurt en platan tileinkuð Phoenix. Þetta var fyrsta rokkplata R.E.M. en þeir hafa alltaf sett "rokkið" innan gæsalappa.


R.E.M. - Be Mine

Lagið tilheyrir tíundu plötu R.E.M. verja, New adventures in Hi-Fi, og er að mínu mati og Stipes þeirra besta plata. Bill Berry sló sitt síðasta trommuslag á þessari plötu og einbeitti sér að því að slá gras á býlinu sínu.



Bestu þakkir fær Guðsi fyrir hjálpina...