Næsti listi: Topp 5 Party Shuffle Spectacular

Já, lömbin mín. Næsti listi er nokkuð sérstakur. Farið verður aðeins öðruvísi leið en venjulega með (vonandi) neyðarlegri útkomu. Þar sem allir listamenn(og konur) hér nota iTunes þá var ákveðið að gera smá leik. Hver listamaður fer í Party Shuffle í æTjúnsinu sínu og velur þar eftirfarandi:

• 20 upcoming songs
• 0 recently played
• EKKI valið "play higher rated"

Svo er ýtt á refresh og útkoman verður 20 laga random listi(ekki 100% random, enda er það ekki hægt eins og allir tölvunarfræðingar vita, sjá hér). Úr þessum 20 lögum er síðan valin 5 laga röð(röðin verður að haldast) sem er listinn manns. Svo verður að skrifa eitthvað um hvert lag.

Ef maður er heppinn getur maður skrifað um hversu gott lagið er. En maður gæti orðið óheppinn og t.d. þurft að verja það af hverju í ósköpunum maður er með Barry Manilow í æTjúnsinu sínu.

Gestalistamaður okkar að þessu sinni er einn skemmtilegasti bloggari Íslenska Lýðveldisins og smekkmaður mikill í tónlist, Gummi Jóh.